„ქართული საზოგადოება გაიზარდა და აჩვენა, რომ ცვლილებებისთვის აუცილებელი აღარ არის ქუჩა, რევოლუცია და ბარიკადები“, - ამის შესახებ „ევროპული საქართველოს“ ერთ-ერთმა ლიდერმა, დავით ბაქრაძემ პატრტიის პოლიტსაბჭოს დასრულების შემდეგ განაცხადა.

როგორც მან აღნიშნა, ხალხი მზად არის მშვიდად, გააზრებულად, არჩევნების გზით შეცვალოს ხელისუფლება, თუმცა ამას შესაბამისი პირობების შექმნა სჭირდება.  

„დადასტურდა ყველაფერი ის, რაც ამ დღეების განმავლობაში ჩვენმა საზოგადოებამ იხილა - ზეწოლა, მოსყიდვა, ძალადობა, ადმინისტრაციული რესურსის გამოყენება, კრიმინალურ სამყაროსთან შეკვრა, კენჭისყრის ფარულობის დარღვევა. ყველა ეს პრობლემა და ამ პრობლემის მასშტაბი, მიუთითებს მხოლოდ იმას, რომ არჩევნების მეორე ტური ვერ ჩაითვლება მოქალაქეების თავისუფალი ნების გამომხატველად და ამას ადასტურებს არასამთავრობო და საერთაშორისო დამკვირვებლების ძალიან კრიტიკული დასკვნები. დასკვნებით, რომლის კრიტიკულობის ხარისხიც უპრეცედენტოა მთელი ბოლო წლების განმავლობაში არჩევნებთან მიმართებაში. ამიტომ ჩვენი შეფასებითაც, რომელიც მთლიანად ემთხვევა საერთაშორისო დამკვირვებლების შეფასებას, სამწუხაროდ, საქართველოს ჰყავს მოქმედი პრეზიდენტი, რომელსაც არ გააჩნია დემოკრატიული მანდატი, მიღებული თავისუფალი და სამართლიანი არჩევნების გზით. რაც შეეხება წინსვლის და გამოსავლის გზას ამ ვითარებიდან, ჩვენმა ხალხმა აჩვენა, რომ ქართული საზოგადოება გაიზარდა და საქართველოში ცვლილებებისთვის აუცილებელი აღარ არის ქუჩა, რევოლუცია და ბარიკადები. ხალხი ძალიან მშვიდად, გააზრებულად, არჩევნების გზით მზად არის ხელისუფლების შესაცვლელად, როგორც ეს ხდება განვითარებულ დასავლურ დემოკრატიებში, მაგრამ ამ ცვლილებას სჭირდება შესაბამისი პირობების შექმნა. ამიტომ, ჩვენი პოლიტიკური ბრძოლის მთავარი ამოცანა და მიზანი მომდევნო პერიოდში, იქნება შესაბამისი პირობების შექმნა, რომ საქართველოში ხალხმა არჩევნების გზით გამოხატოს საკუთარი ნება, მათ შორის, შეცვალოს ხელისუფლება. ამისთვის მთავარი კომპონენტი იქნება საარჩევნო სისტემის შეცვლა და დაუყოვნებლივი გადაცვლა პროპორციულ, ან რეგიონულ-პროპორციულ საარჩევნო სისტემაზე“, - განაცხადა დავით ბაქრაძემ.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ