ამერიკის შეერთებული შტატების სენატმა მიიღო რეზოლუცია, რომელიც ქერჩის სრუტეში უკრაინის სამხედრო საზღვაო ძალების წინააღმდეგ რუსეთის პროვოკაციულ ქმედებებს გმობს.

რეზოლუციის ავტორები სენატორები რონ ჯონსონი და კრის მიორფი არიან. ჯონსონის თქმით, ის მოხარულია, რომ ამერიკის სენატმა ხსენებული რეზოლუცია ერთხმად მიიღო და ამ ფორმით უკრაინას მხარდაჭერა გამოუცხადა. გარდა ამისა, სენატორის შეფასებით, რუსეთი საკუთარი ქმედებებით "დასავლეთის გამოცდა" უნდა.

რაც შეეხება მეორე სენატორს, კრის მიორფის მტკიცებით, ამ რეზოლუციით ამერიკა რუსეთის პრეზიდენტ ვლადიმერ პუტინს მკაფიო მესიჯი გაუგზავნა, რომ მისი აგრესიული ქმედებები აზოვის ზღვაში მხარდაჭერას ვერ ჰპოვებს მსოფლიოს მხრიდან.

დოკუმენტში კონგრესმენები მოუწოდებენ რუსეთს, დაუყოვნებლივ დაუბრუნონ უკრაინას ხომალდები და გაათავისუფლონ დაკავებული უკრაინელი მეზღვაურები. ამასთან, რეზოლუციაში ხაზგასმით ნათქვამია, რომ აშშ არ სცნობს ყირიმის ნახევარკუნძულის რუსეთის მიერ ანექსიას და ოფიციალური ვაშინგტონი მხარს უჭერს უკრაინის სუვერენიტეტსა და ტერიტორიულ მთლიანობას.

ავტორი: ,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს