გაერთიანებული ოპოზიციის ერთ-ერთმა ლიდერმა, გიორგი ვაშაძემ საკუთარი ხმა უკვე დააფიქსირა. 

როგორც ვაშაძემ ჟურნალისტებს განუცხადა, დღეს საქართველომ სრულიად ახალი მომავალი უნდა აირჩიოს და ქვეყანამ განვითარება ახალი ფურცლიდან უნდა დაიწყოს.  

"პირველ რიგში მე ვფიქრობ, რომ საქართველომ დღეს უნდა აირჩიოს, მართლაც სრულიად ახალი მომავალი, უნდა დავიწყოთ ახალი ფურცლიდან განვითარება, უნდა დავიწყოთ ის რომ ხელისუფლება ზრუნავდეს ხალხზე და არ იყოს ის რაც  დღეს ხდება ქვეყანაში. რაც შეეხება თვითონ საარჩევნო მდგომარეობას, ალბათ პირველი ტურიდან მეორე ტურამდე, რაც ჩვენ ვიხილეთ ამ საარჩევნო პერიოდში, ეს ალბათ მსოფლიო სახელმძღვანელოებში შევა, წინასაარჩევნო პროცესის აი, ესეთი უდიერად მოპყრობა კანონთან, ყველაფრის დარღვევა აბსოლუტურად, რაც ჩვენ ვიხილეთ ჩვენი ოპონენტებისგან. მაგრამ ჩვენ მშვიდად, წყანარად მივედით მეორე ტურამდე. მე მთავრი, რასაც მოვუწოდებ თითოეულ ამომრჩეველს, მოდით საარჩევნო უბანზე, მიიღეთ მონაწილეობა, იმიტომ რომ თქვენი ბიულეტენი წყვეტს, როგორ საქართველოში ვიცხოვრებთ, ეს უნდა გვახსოვდეს აბსოლუტურად ყველას და მე იმედი მაქვს, რომ ყველანი მოხვალთ და მაქსიმალურად მიიღებთ მონაწილეობას",- განაცხადა გიორგი ვაშაძემ.

ვაშაძემ, იმ დარღვევების შესახებაც ისაუბრა, რომელიც ამ დროისათვის მათი გუნდის მიერ არის დაფიქსირებული. მისი განმარტებით, გურჯაანის რაიონში, ამომრჩევლები ზეწოლის ქვეშ იმყოფებიან. 

"რაც შეეხება, დარღვევებს ამ წუთისთვის, რაც მასიურად ფიქსირდება სამწუხაროდ ყველგან და განსაკუთრებით გურჯაანის რაიონში. აიძულებენ ადამიანებს გახსნილი ბიულეტენებით გამოვიდნენ ხმის მიცემის შემდეგ. ეს არის პირდაპირი კანონდარღვევა და ამას აუცილებლად იქნბება შესაბამისი რეაგირება. მოვუწოდებ, ისევ და ისევ ჩვენს ოპონენტებს, რომ კანონი არსებობს და კანონი დაიცავით. ელემენტარული ნორმები დაიცავით და შეეშვით ამ ძალადობას, რაც ახლა ამ წუთებში გრძელდება თქვენი მხრიდან", - აღნიშნა გიორგი ვაშაძემ.  

ავტორი: ,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.