ბოლო ინფორმაციით, ზოოპარკის ტერიტორიაზე სულ ოთხი ადამიანის ცხედარია ნაპოვნი. აქედან სამი ზოოპარკის თანამშრომელია, ერთი კი უცხო პიროვნება. 

ამის შესახებ ჟურნალისტებს ზოოპარკის დირექტორმა ზურაბ გურიელიძემ განუცხადა.

კერძოდ, გულიელიძის განმარტებით, დაღუპულია ზოოპარკის თანამშრომელი გულიკო ჭიტაძე, მისი მეუღლე და ზოოპარკის კიდევ ერთი თანამშრომელი.

 რაც შეეხება მეოთხე გარდაცვლილს, ზოოპარკის დირექტორის ინფორმაციით, ის ახალგაზრდა გოგონაა, რომლის ცხედარიც ზოოპარკის ტერიტორიაზე წყალმა შეიტანა.
 

„ყოველთვის მორიგეობენ თანამშრომლები. მეც აქ ვიყავი, მოვხვდით პირდაპირ წყალდიდობაში. შეუძლებელი იყო რამის გაკეთება. ერთადერთი მოვახერხეთ საკუთარი თავის გადარჩენა. მიზეზს ვერ გეტყვით რამ გამოიწვია ეს ყველაფერი. ალბათ უფრო შემდეგ გავიგებთ. რამდენაც ვიცი, მწყერი ჩამოწვა სადღაც. მდინარე ჩაკეტა, შემდეგ მდინარემ გაარღვია კალაპოტი. ქალბატონი გულიკო დაიღუპა, პატარებს ზრდიდა, ამიტომაც დიდ დროს ატარებდა აქ. დაიღუპა მისი მეუღლე, კიდევ ერთი ადამიანი. ასევე ნაპოვნია ერთი გოგონა, მასთან დაკავშირებით ინფორმაცია არ გვაქვს, ვიცით რომ ახალგაზრდაა როგორც ჩანს წყალმა საიდანღაც შემოიტანა. გზაზე მყოფი მანქანებით სავსეა ზოოპარკი. ზოგი მანქანა შენობების სახურავზეა, წარმოუდგენელი წყალდიოდბა იყო. ყველაზე ღრმა ადგილი 20 მეტრი მაინც იყო. გალიები დაიტბორა. იქიდან ცხოველები გამოვიდნენ და სამწუხაროდ, ნაწილისთვის ეს ძლაიან ცუდად დამთავდა“, - განაცხადა ზურაბ გურიელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში