არასამთავრობო ორგანიზაცია "ყოფილი პოლიტპატიმრები ადამიანის უფლებებისათვის" თავმჯდომარის ნანა კაკაბაძის განცხადებით, ბოლო პერიოდში იური ვაზაგაშვილის ინიციატივით, ყოფილ პრემიერ ბიძინა ივანიშვილსა და ვაზაგაშვილს შორის შეხვედრა გაიმართა.

კაკაბაძისთვის შეხვედრის დეტალები უცნობია, თუმცა აცხადებს, რომ იური ვაზაგაშვილი შეხვედრით კმაყოფილი იყო. რაც შეეხებ იმას, ჩაერთვება თუ არა ორგანზიაცია "ყოფილი პოლიტპატიმრები ადამიანის უფლებებისათვის" აქციებში, კაკაბაძემ განაცხადა, რომ აქციებს იმ შემთხვევაში გამართავენ, თუკი  ხელისუფლება იური ვაზაგაშვილის დაღუპვის საქმეზე გამოძიების შედეგებს დროულად არ დადებს.

"მას შეხვედრა ჰქონდა რამოდენიმე დღით ადრე ბიძინა ივანიშვილთან.შეხვედრის შედეგები ჩემთვის ცნობილი არაა. მხოლოდ  ვიცი რომ ჰქონდა შეხვედრა და კმაყოფილი იყო. დაკრძალვამდე არაფერი არ იგეგმება და დაკრძალვიდან ინტენსიურად მივყვებით იმ პროცესს, რასაც საქმის გამოშიება ჰქვია. იქნება აქციებიც, მთავარია,  როგორი პოზიცია ექნება ხელისუფლებას. თუ ხელისუფლება არ იქნება ადეკვატური,  მაშინ საზოგადოება მას აიძულებს,  რომ გახდეს ადეკვატური",-განაცხადა ნანა კაკაბაძემ.

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს.ყარაფილას სასაფლაოზე, სამართალდამცავები მთელი ღამის განმავლობაში იმყოფებოდნენ. ადგილზე ამ დროისთვისაც მობილიზებული არიან ექსპერტ კრიმინალისტები და საგამოძიებო მოქმედებები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში