„5 წლის განმავლობაში ძალიან ღიად, ვეუბნებოდი „ქართულ ოცნებას“, თუ რა არის პოლიტიკურად სწორი და მცდარი ნაბიჯი. მე ეს მისია მიმთავრდება. ახლა თვითონ შეძლონ, წაიკითხონ ის გზავნილები, რომელიც მათ მისცა საზოგადოებამ“, - ამის შესახებ პრეზიდენტმა, გიორგი მარგველაშვილმა დღეს გამართულ ბრიბინგზე განაცხადა.

კითხვაზე, რა მოხდებოდა, თუ ის არჩევნებში მიიღებდა მონაწილეობას, პრეზიდენტმა უპასუხა, რომ ეს ჰიპოთეტური მსჯელობის საგანია.

„ჩემი შეხედულებით თუ რა არის პოლიტიკურად სწორი და მცდარი ნაბიჯი, ამის თაობაზე 5 წლის განმავლობაში ძალიან ღიად, მათ შორის მედიით ვეუბნებოდი ჩვენს მოქალაქეებს და პირველ რიგში ხელისუფლებაში მყოფ ჯერ კოალიცია „ქართულ ოცნებას“ და მერე უკვე პარტია „ქართულ ოცნებას“. მე ეს მისია მიმთავრდება და დავამთავრე. ახლა თვითონ შეძლონ, წაიკითხონ ის გზავნილები, რომელიც მათ მისცა საზოგადოებამ. 5 წელი ამას ვაკეთებდი, ღიად და ყოველგვარი დაფარვის გარეშე ვეუბნებოდი იმას, რაც გასაკეთებელი იყო და სადაც შეცდომები იყო. თუმცა, 5 წლის განმავლობაში, მე მხოლოდ კრიტიკა მესმოდა ამის გამო და უსამართლო თავდასხმები. ისტორიაში ჰიპოთეტური დაშვებები ძნელია, მაგრამ ჩემ შემთხვევაში არის რეალური წარსული. 2013 წელს, „ქართული ოცნების“ მხარდაჭერით, იმის ნახევარი ფინანსური რესურსით, რაც დღეს დახარჯა „ქართულმა ოცნებამ“, იმ ფონზე, რომ პრეზიდენტი იყო სააკაშვილი, ხოლო არც ერთი რაიონული გამგეობა, რაიონული სტრუქტურა ჩვენ არ გვეკუთვნოდა, ისე კი არ იყო, როგორც ახლაა, როცა ყველა რაიონული სტრუქტურა „ქართული ოცნების“ ხელშია, ნახევარი ფინანსებით, ჩვენ დავდეთ შედეგი, რომელიც ყველასთვის ცნობილია - 62%. ეს არის ფაქტობრივი პასუხი კითხვაზე - რა იქნებოდა, დანარჩენი ჰიპოთეტურია“, -აღნიშნა მარგველაშვილმა.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ