ცენტრალური საარჩევნო კომისიის პრეს-სპიკერმა ანა მიქელაძემ მედიასთან „ედისონ რისერჩის“ ეგზიტპოლის თაობაზე მედიით გავრცელებულ ინფორმაციასთან დაკავშირებით განცხადება გააკეთა: 

„გვინდა გაცნობოთ  ინფორმაცია მედიით გავრცელებულ განცხადებასთან დაკავშირებით, რომელიც ეხება ორგანიზაცია „ედისონ რისერჩის“ ეგზიტპოლს:

„ედისონ რისერჩმა“, როგორც 2017 წელს ისე 2018 წლის პრეზიდენტის არჩევნებისთვის ცესკოს აცნობა ეგზიტპოლის ჩატარების შესახებ და მიმართა თხოვნით ყველა საოლქო და საუბნო საარჩევნო კომისიისთვის ცესკოს მიეწოდებინა ინფორმაცია აღნიშნული კვლევების შესახებ, რათა კომისიებს მაქსიმალურად შეეწყოთ  ხელი ინტერვიუერებისთვის სამუშაოს შესრულებაში.  
ცესკომ გაითვალსიწინა კომპანიის თხოვნა და დროულად გაუგზავნა შესაბამისი წერილობითი შეტყობინება ყველა საოლქო საარჩევნო კომისიას. ეს ინფორმაცია მარტივად შეიძლება გადამოწმდეს უშუალოდ „ედისონ რისერჩთან“, ვინაიდან აღნიშნული საინფორმაციო წერილის ასლი ასევე მიეწოდა თავად „ედისონ რისერჩს“.
 
„ედისონ რისერჩის“ მიერ არასდროს და არც პრეზიდენტის არჩევნების ეგზიტპოლებისთვის არ ყოფილა ცესკოსთვის მოწოდებული ინფორმაცია იმ შერჩეული უბნების შესახებ, სადაც ტარდება საზოგადოებრივი აზრის კვლევა. შესაბამისად, აღნიშნულ საკითხზე გავრცელებული ინფორმაცია არ შეესაბამება სიმართლეს, რაც ასევე შესაძლებელია  უშუალოდ დაადასტუროს „ედისონ რისერჩმა“ - განაცხადა ანა მიქელაძემ ჟურნალისტებთან საუბრისას.  

(NS)

ავტორი: ,

სოციალური ქსელები

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე