ცესკო: დადასტურდა, რომ პირი საარჩევნო უბანზე არასათანადო წესით გაცემული ბეიჯით იმყოფებოდა

2018-10-28 13:55:06, 922 ნახვა

პოლიტიკა

ნაძალადევის 74-ე საარჩევნო უბანზე დამკვირვებლის სამკერდე ნიშნით, ბეიჯით, რომელიც არ იყო დადგენილი წესით გაცემული, იმყოფებოდა არაუფლებამოსილი პირი, - ამის შესახებ ცესკო-ს სპიკერმა ანა მიქელაძემ კენჭისყრის პროცესში გამოვლენილ დარღვევებზე საუბრისას განაცხადა.

როგორც მიქელაძემ აღნიშნა, შესაბამისი ინფორმაცია ცესკო-ს „ახალგაზრდა იურისტთა ასოციაციამ" მიაწოდა.

„ახალგაზრდა იურისტთა ასოციაციამ” ცესკოს მიაწოდა ინფორმაცია, რომ ნაძალადევის 74-ე საარჩევნო უბანზე დამკვირვებლის სამკერდე ნიშნით, ბეიჯით, რომელიც არ იყო დადგენილი წესით გაცემული, იმყოფებოდა არაუფლებამოსილი პირი. გადამოწმების შედეგად აღნიშნული დადასტურდა და საუბნო საარჩევნო კომისიამ არაუფლებამოსილ პირს დაატოვებინა საარჩევნო უბანი”, - აღნიშნა მიქელაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები