აჭარის ჯანდაცვის სამინისტრო ხელვაჩაურის მუნიციპალიტეტის სოფელ სალიბაურში საჯარო სკოლაში მომხდარ ფაქტთან დაკავშირებით განცხადებას ავრცელებს.

სამინისტროს ინფორმაციით, სალიბაურის N2 საჯარო სკოლაში დღეს დილით ექვსი მოსწავლე შეუძლოდ გახდა.

„2015 წლის 11 ივნისს, დაახლოებით 10:00 საათზე, სსიპ ხელვაჩაურის მუნიციპალიტეტის სოფელ სალიბაურის N2 საჯარო სკოლაში გამოძახებულ იქნა სასწრაფო სამედიცინო დახმარების ბრიგადა. ადგილზე მისულ ექიმებს სკოლის 6 მოსწავლე შეუძლოდ დახვდა. ისინი მუცლის ჭვალის დიაგნოზით გადაყვანილ იქნენ ქ. ბათუმის დედათა და ბავშვთა რეგიონულ ცენტრში. ბავშვების ჯანმრთელობის მდგომარეობა დამაკმაყოფილებელია, უტარდებათ შესაბამისი სამედიცინო დახმარება. კლინიკაში იმყოფება აჭარის აჯანდაცვის მინისტრის მოადგილე ზურაბ თენიეშვილი, ხოლო ამ წუთებში სალიბაურის N2 საჯარო სკოლაში ვითრების ადგილზე გაცნობის მიზნით იმყოფებიან აჭარის ა/რ ჯანდაცვის მინიტრის პირველი მოადგილე ლევან გორგილაძე, აჭარის ა/რ განათლების, კულტურისა და სპორტის მინისტრის პირველი მოადგილე  სულიკო თებიძე, ინფექციონისტი და აჭარის საზოგადოებრივი ჯანდაცვის ცენტრის წარმომადგენლები“, - ნათქვამია აჭარის ჯანდაცვის სამინისტროს განცხადებაში.

სამინისტროს ინფორმაციით, ამ დროისათვის სხვა ბავშვებს დაავადებისთვის დამახასიათებელი კლინიკური ნიშნები არ აღენიშნებათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე

ოცნების მეგობარი თურქმენეთი ფრთხილად არბილებს შიდა პოლიტიკას - Reuters