სააკაშვილი ჩანაწერებზე: ჭორვილელ აფერისტს მართლა ჰგონია, რომ გაცვეთილი ტყუილებით გააცურებს ხალხს

2018-10-25 18:14:31, 1587 ნახვა

კომენტარი

საქართველოს მესამე პრეზიდენტი, მიხეილ სააკაშვილი საკუთარ ბიძასთან, თემურ ალასანიასთან სავარაუდოდ ფარულ აუდიო ჩანაწერს ეხმაურება.

როგორც სააკაშვილი Facebook-ის საკუთარ გვერდზე წერს, გავრცელებული ჩანაწერები სიცრუეა.

„ვაი ამ ჭორვილელი აფერისტის პატრონს...მართლა ჰგონია, რომ მსგავსი გაცვეთილი ტყუილებით გააცურებს ხაალხს? ხალხმა უკვე გამოუტანა განაჩენი მის ექვსწლიან ტყუილებს, ქურდობებს და სიყალბეებს და ეს განაჩენი 28-ში გამოცხადდება“,-წერს სააკაშვილი.

ცნობისთვის, ერთ-ერთ უკრაინულ საიტზე, სავარაუდოდ საქართველოს მესამე პრეზიდენტის მიხეილ სააკაშვილის და მისი ბიძის, თემურ ალასანიას სატელეფონო ჩანაწერი გავრცელდა. ვებგვერდზე წერია, რომ აღნიშნული ჩანაწერი რედაქციას სანდო წყარომ მიაწოდა.

"ჩანაწერში მონაწილეობენ ოდესის ოლქის ყოფილი გუბერნატორი მიხეილ სააკაშვილი და მისი ბიძა თემურ ალასანია, რომელიც ამავდროულად КГБ-ს ყოფილი გენერალია. საუბრისას თემურ ალასანია შეურაცხმყოფელად და სიძულვილით საუბრობს ქართველ ხალხზე და შეკვეთილ მკვლელობას გეგმავს", - წერს პორტალი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები