საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე ოფიციალური ვიზიტით ბელგიის სამეფოში იმყოფება.

თავდაცვის სამინისტროს ინფორმაციით, ვიზიტის პირველ დღეს,  გენერალური შტაბის უფროსი, მონსში, ევროპაში მოკავშირეთა ძალების უმაღლეს შტაბს (SHAPE) ესტუმრა. გენერალ-მაიორ ვახტანგ კაპანაძეს ევროპაში მოკავშირე ძალების უმაღლესმა მთავარსარდლმა (SACEUR), გენერალმა ფილიპ ბრიდლოვმა უმასპინძლა.

„ჩემთვის ძალიან დიდი პატივია, რომ გენერალ კაპანაძეს ვმასპინძლობ. ჩვენი მტკიცე პარტნიორობა საქართველოსთან  გაგრძელდება. საქართველო ავღანეთში მიმდინარე „მტკიცე მხარდაჭერის“ მისიაში სიდიდით მეორე კონტრიბუტორია. როგორც ალიანსი, ჩვენ მზად ვართ გავაძლიეროთ ჩვენი პარტნიორები და კოლექტიური თავდაცვა“, - განაცხადა გენერალმა ფილიპ ბრიდლოვმა.

საქართველოს შეიარაღებული ძალების გენერალური შტაბის უფროსმა შეხვედრები გამართა ევროპაში მოკავშირეთა ძალების უმაღლესი შტაბის (SHAPE) ხელმძღვანელობასთან. გენერალ-მაიორი ვახტანგ კაპანაძე ნატოს სამხედრო პარტნიორობის დირექტორატში მიმდინარე ოპერაციებს გაეცნო და სამხედრო-სამედიცინო განათლების გაერთიანებულ ცენტრსაც ესტუმრა.

ვიზიტის მეორე დღეს გენერალი ნატოს შტაბ-ბინაში გენერალური შტაბის უფროსების დონეზე გამართულ სამხედრო კომიტეტის სხდომას (Military Committee/CHODs Session) დაესწრება, სადაც ნატოს არაწევრი ქვეყნები „მტკიცე მხარდაჭერის“ (Resolute Support) მისიაში მონაწილეობის საკითხებს განიხილავენ.  ნატოს შტაბ-ბინაში გენერალ-მაიორი ვახტანგ კაპანაძე ორმხრივ შეხვედრებს გამართავს ჩეხ, ბელგიელ, ფრანგ, პოლონელ და უკრაინელ კოლეგებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს