საქართველოს თავდაცვის მინისტრი მინდია ჯანელიძე ოფიციალური ვიზიტით ესპანეთის სამეფოში იმყოფება. 

პედრო მორენეს ეულატემ ქართველ კოლეგას ესპანეთის თავდაცვის უწყებაში უმასპინძლა.

თავდაცვის სამინისტროს ინფორმაციით, შეხვედრის დასაწყისში მინდია ჯანელიძემ ესპანელ კოლეგას ქვეყნის სუვერენიტეტისა და ტერიტორიული მთლიანობის, ასევე, ნატოსა და ევროკავშირში ინტეგრაციის გზაზე მხარდაჭერისთვის მადლობა გადაუხადა. მან ესპანელი დამკვირვებლების ევროკავშირის მონიტორინგის მისიაში მონაწილეობის მნიშვნელობაზეც გაამახვილა ყურადღება.

უწყების ცნობით, პირისპირ შეხვედრაზე მინისტრებმა საქართველოსა და ესპანეთის სამეფოს შორის თავდაცვის სფეროში ორმხრივი თანამშრომლობის განვითარების პერსპექტივები განიხილეს.

განსაკუთრებული ყურადღება გამახვილდა კიბერუსაფრთხოების, წვრთნისა და განათლების სფეროებზე. საქართველოს თავდაცვის უწყების ხელმძღვანელმა პედრო მორენეს ეულატეს ესპანელი სამხედრო მოსამსახურეებისთვის საჩხერის სამთო მომზადების სკოლაში სამთო კურსების გავლა შესთავაზა.

შეხვედრაზე საუბარი შეეხო საქართველოს ევროატლანტიკურ სტრუქტურებში გაწევრიანების პროცესსა და უელსში გამართულ ნატოს სამიტზე საქართველოსთვის არსებითი პაკეტის მინიჭების საკითხს. მინდია ჯანელიძემ არსებითი პაკეტის იმპლემენტაციის პროცესში ესპანური მხარის ჩართვის იმედი გამოთქვა.

მხარეებმა ავღანეთში "მტკიცე მხარდაჭერისა" და ცენტრალური აფრიკის რესპუბლიკაში ევროკავშირის ეგიდით მიმდინარე სამშვიდობო მისიებში ქართული კონტინგენტის მონაწილეობაზეც იმსჯელეს.

თავდაცვის მინისტრმა პედრო მორენეს ეულატეს საქართველოს თავდაცვის უწყებაში განხორციელებული და დაგეგმილი რეფორმებიც გააცნო. პირისპირ შეხვედრაზე მინისტრები უკრაინაში არსებულ ვითარებასა და რეგიონალური უსაფრთხოების საკითხებსაც შეეხნენ.

ესპანეთის სამეფოში ვიზიტისას, დაგეგმილია საქართველოს თავდაცვის სამინისტროს დელეგაციის სტუმრობა ჯავშანსაწინააღმდეგო ბრიგადის ბაზაზე. საქართველოს თავდაცვის მინისტრი ესპანელი მხატვრის აუგუსტო ფერერ-დალმაუს ნახატების გამოფენასაც დაესწრება და ესპანელ მწერალს ლუკას მოლინას „გენერალ კვინიტაძის“ მედლით დააჯილდოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში