საპარლამენტო უმრავლესობის ყოფილი დეპუტატი დავით ჭიჭინაძე „პატრიოტებში“ წევრიანდება

2018-10-08 20:32:47, 1907 ნახვა

პოლიტიკა

დამოუკიდებელი დეპუტატი დავით ჭიჭინაძე ფრაქცია „პატრიოტებში“ წევრიანდება.

როგორც ჭიჭინაძემ განმარტა, შესაბამისი გადაწყვეტილება მან მხოლოდ იმის გამო მიიღო, რომ ირმა ინაშვილს ფრაქცია არ დაეშალოს.

„ირმა ინაშვილთან საუბარი მქონდა. მათი თხოვნა იყო, რომ ფრაქციის შევსება მოხდეს მანამდე, ვიდრე სხვა რომელიმე დეპუტატს მოელაპარაკებიან. იმისათვის, რომ ფრაქციის ინიციატივები და ტრიბუნა არ გაუქმებულიყო, ფრაქციის წევრი მანამდე ვიქნები, ვიდრე სხვას მოელაპარაკებიან. თუმცა ისევ დამოუკიდებელ დეპუტატად ვრჩები“, - განაცხადა ჭიჭინაძემ.

ფრაქცია "პატრიოტები" დაშლის საფრთხის წინაშე მას შემდეგ დადგა, რაც ნატო ჩხეიძემ ფრაქცია პროტესტის ნიშნად დატოვა. რაც შეეხება დავით ჭიჭინაძეს, ის „ქართული ოცნების“ სამდივნომ პარტიიდან ზაფხულში გარიცხა, თავად კი უმრავლესობის რიგები სექტემბერში დატოვა.

ინფორმაციას საზოგადოებრივი მაუწყებელი ავრცელებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები