„დრიმ თაუნის“ საცხოვრებელ კომპლექსში დაცვის თანამშრომელი დაჭრეს

2018-10-06 12:52:37, 2637 ნახვა

სამართალი

თბილისში, „დრიმ თაუნის“ საცხოვრებელ კომპლექსში დაცვის თანამშრომელი დაჭრეს.

შემთხვევა გუშინ, გვიან ღამით მოხდა.

არსებული ინფორმაციის, დაცვის თანამშრომელსა და ერთ-ერთ მაცხოვრებელს შორის ავტომობილის პარკირების ადგილთან დაკავშირებით დაწყებული კამათი ფიზიკურ დაპირისპირებაში გადაიზარდა, რა დროსაც მოქალაქემ დაცვის თანამშრომელს ცივი იარაღით რამდენიმე ჭრილობა მიაყენა.

დაშავებული სასწრაფო დახმარების ეკიპაჟმა საავადმყოფოში გადაიყვანა. მის სიცოცხლეს საფრთხე არ ემუქრება.

როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.

უწყების ცნობით, საქმე გახსნილია და ამ დროისთვის ოპერატიული სამუშაოები მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები