2018-10-02 12:40:09, 1266 ნახვა

---

რუსეთის საგარეო: პოზიციტვის მიუხედავად, ორმხრივი ურთიერთობებისთვის გამაღიზიანებლად რჩება საქართველო-ნატო-ს თანამშრომლობა

რუსეთის საგარეო საქმეთა სამინისტრო პრაღაში აბაშიძე-კარასინის შეხვედრის შესახებ განცხადებას ავრცელებს. 

როგორც განცხადებაშია ნათქვამი, შეხვედრაზე ორმხრივი ურთიერთობების განვითარების პრაქტიკული საკითხების განხილვა გაგრძელდა. ასევე სავაჭრო-ეკონომიკურ სფეროში შუალედური შედეგები შეაჯამეს. 

"7 თვის განმავლობაში სავაჭრო ბრუნვა საქართველოსა და რუსეთს შორის 45%-ით გაიზარდა და 815 მილიონი დოლარი შეეადგინა. გაიზარდა ქართული ღვინის მიწოდება რუსეთში. რუსეთი აღნიშნული პროდუქტის მთავარი მყოდველია, რადგან საქართველოს მიერ ექსპორტზე გატანილი ღვინის 60%-ს ყიდულობს. ​რუსეთისა და საქართველოს ქალაქებს შორის მნიშვნელოვნად გაიზარდა სატრანსპორტო კავშირი. მიმდინარე წლის რვა თვის განმავლობაში რეგულარული ავიარეისებით გადაყვანილია 562 000 მგზავრი, რაც გასული წლის მაჩვენებელს მესამედზე მეტით აღემატება. იზრდება საავტომობილო და სარკინიგზო-საბორნე ტვირთების გადაზიდვის მოცულობები. ქართულმა მხარემ გვაცნობა რუსული ხორბლის საავტომობილო ტრანსპორტით შეტანის მოქმედი წესის შენარჩუნების შესახებ. რუსულმა მხარემ დაადასტურა თავისი მხარდაჭერა რუსეთისა და საქართველოს მთავრობებს შორის საბაჟო ადმინისტრირებისა და სასაქონლო ვაჭრობის მონიტორინგის შესახებ 2011 წლის შეთანხმების პრაქტიკული რეალიზაციის სწრაფი დაწყებისადმი. კარასინმა იმედი გამოთქვა, რომ შვეიცარიის მონაწილეობით ერთობლივი კომიტეტის მოწვევა უახლოეს დროში შეთანხმებების შესრულების სამუშაოს დასაწყისი გახდება. მთელი დაგროვილი პოზიტივის მიუხედავად, ორმხრივი ურთიერთობებისთვის კვლავ სერიოზულ გამაღიზიანებლად რჩება საქართველოს ნატო-სთან სამხედრო თანამშრომლობა. კარასინმა აღნიშნა საკმაოდ ნეგატიური როლი, რომელსაც თბილისი ასრულებს ნატო-ს სამხედრო ბლოკის რუსეთისა და კავკასიაში მისი მოკავშირეების საზღვრებთან მიახლოებით. გარდა ამისა, ხაზი გაესვა, რომ ქართველი მაღალჩინოსნების არამეგობრული განცხადებები დესტრუქციულ გავლენას ახდენს ორმხრივი ურთიერთქმედების ურთიერთმომგებიან პროცესზე", - ნათქვამია რუსეთის საგარეო საქმეთა სამინისტროს განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი