"ევროპული საქართველოს" ერთ-ერთი ლიდერი გიგა ბოკერია მმართველი გუნდის დღევანდელ განცხადებებს ეხმაურება და მათ უტიფარს უწოდებს.

როგორც ბოკერიამ აღნიშნა, 28 ოქტომბერს „ქართულ ოცნებას“ საკადრისი პასუხი გაეცემა.

"აღნიშნული  სქემა არა უბრალოდ ერთი ბიზნესმენის განცხადებით დასტურდება, რომელიც გადააგდეს, არა მხოლოდ ჩანაწერებით, სადაც ამ სქემაზე ყოფილი თანამდებობის პირები და ხელისუფლებასთან დაახლოვებული ბიზნესმენები საუბრობენ, არამედ რეალურ ცხოვრებაში მომხდარი ამბებით. მაგალითად „ფილიპ მორისთან“ დაკავშირებული სასამართლოთი. ეს არის ივანიშვილის გუნდის მორიგი, მაგრამ დიდი მასშტაბის უტიფარი განცხადება", - აღნიშნა დეპუტატმა. 

პარლამენტის წევრმა, ხორავას ქუჩაზე მომხდარ მკვლელობაზეც ისაუბრა და აღნიშნა, რომ სიცრუეა, თითქოს დროებითმა საგამოძიებო კომისიამ საქმის პოლიტიკური მოტივი ვერ დაადგინა.

„ჩვენს თვალწინ ხორავას ქუჩაზე მომხდარი ტრაგედიის შემდეგ ხელი დააფარეს შესაძლო მკვლელს და ეჭვმიტანილს მხოლოდ იმიტომ, რომ ის თანამდებობის პირის ახლობელი იყო. ეს ხალხი ბედავს და ოპონენტების წინააღმდეგ უტიფრად კიდევ ტალახს ისვრის. უტიფარ სიცრუეს ამბობენ, მაგალითად ხორავას ქუჩაზე, რომ კომისიამ პოლიტიკური მოტივი ვერ დაადგინა. კომისიამ სწორედ პოლიტიკური მოტივი დაადგინა, რომ სავარაუდო ეჭვმიტანილს ხელი თანამდებობის პირებმა თანამდებობის პირის ახლობლობის გამო დააფარეს. დეტალებში შესვლას აღარ გავაგრძელებთ. ამ ხალხმა გაბედა და საპრეზიდენტო კანდიდატად დაგვისახელა ადამიანი, რომელიც პირდაპირ ჩვენი ქვეყნის ინტერესების წინააღმდეგ მუშაობს და მეტყველებს. 28 ოქტომბერს მათ პასუხი უნდა გავცეთ. დარწმუნებული ვარ, ეს პასუხი ძალიან მკაფიო იქნება და ივანიშვილის გუნდის გაძევება პოლიტიკური მმართველობიდან ამ პასუხით დაიწყება”, - განაცხადა ბოკერიამ.

ავტორი: ,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს