„ხელისუფლება ნაბიჯ-ნაბიჯ გაიგებს, თუ რას მოვიმოქმედებ, წინასწარ არაფერს ვიტყვი“, - ამის შესახებ ხორავას ქუჩაზე მოკლული დავით სარალიძის მამამ, ზაზა სარალიძემ ჟურნალისტებს განუცხადა.

რუსთაველის გამზირზე მომხდარი ინციდენტის შემდეგ, სარალიძე კვლავ პარლამენტის შენობასთან დაბრუნდა. მან კარვებთან დაკავშირებით მცირე კომენტარი გააკეთა და სამართალდამცველების ქმედებას უკანონო უწოდა.

"საბნები, კარავი, მანქანაში რაც მქონდა ყველაფერი გაიტაცა პოლიციამ, არ ვიცი სად წაიღეს. აქციის ჩატარების და კარვის დადგმის ნებართვა გუშინ ავიღე მერიიდან, ახლა არ ვიცი რას ნიშნავს სამართალდამცველების ქმედება. მე აქ ვრჩები, ხელისუფლება ნაბიჯ-ნაბიჯ გაიგებს, თუ რას მოვიმოქმედებ, წინასწარ არაფერს ვიტყვი", - განაცხადა ზაზა სარალიძემ.

შეგახსენებთ, ცოტა ხნის წინ სამართალდამცველებმა ზაზა სარალიძეს კარავი ჩამოართვეს. აღნიშნულს სარალიძის პროტესტი და დაპირისპირება მოჰყვა. ამის შემდეგ, პარლამენტისკენ მსვლელობისას სარალიძე შეუძლოდ გახდა და დაეცა. სამართალდამცველებმა ადგილზე სასწრაფო დახმარება გამოიძახეს, თუმცა სარალიძემ მსვლელობა გააგრძელა და პარლამენტთან მივიდა.

ავტორი: ,

სოციალური ქსელები

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა

პროკურატურა 4 ოქტომბრის საქმეზე გიორგი კირვალიძის საპროცესო შეთანხმების გაუქმებას ითხოვს

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება