ირაკლი კობახიძე მარიხუანას კულტივაციის შესახებ ცვლილებების მოგვიანებით განხილვა დათმობაა გნებავთ, ამას დათმობა უწოდეთ, დათმობაც არის დემოკრატიული პროცესის შემადგენელი ნაწილი, – ასე უპასუხა საქართველოს პარლამენტის თავმჯდომარე ირაკლი კობახიძემ პირველი არხის კითხვას, არის თუ არა დათმობა მარიხუანასთან დაკავშირებული კანონპროექტის გაყოფა და ცალ-ცალკე განხილვა. ირაკლი კობახიძის განცხადებით, გაიმართება კონსულტაციები და საპატრიარქოს არაფრის დათმობა არ მოუწევს. მისივე თქმით, მარიხუანას კანონპროექტზე როცა ყველა ინფორმირებული იქნება, კითხვები აღარ იარსებებს. „გნებავთ, ამას დათმობა უწოდეთ, დათმობაც არის დემოკრატიული პროცესის შემადგენელი ნაწილი. ჩვენთვის ამოსავალი წერტილია არის არა ის, თუ კონკრეტულ სპეკულაციებში ვინ გამოჩნდება უფრო გამარჯვებული, არამედ, ჩვენთვის მთავარია, რომ საზოგადოებასთან მაქსიმალურად ფართო კონსულტაციები გვქონდეს. ჩვენთვის მთავარია საზოგადოების ინფორმირება და ისეთი გადაწყვეტილების მიღება, რაც ინფორმირებული საზოგადოებისთვის მისაღები იქნება. ამ პრინციპით ვიხელმძღვანელებთ. საუბარი არ არის, რომ ეკლესიამ რაღაც უნდა დათმოს. დათმობაზე საუბარი შეიძლება იყოს იმ შემთხვევაში, თუ ჩვენ გადაწყვეტილებას ნარკოტიკების წარმოება-რეალიზაციაზე ვიღებთ. პარლამენტი ამ გადაწყვეტილებას არც ერთ შემთხვევაში არ მიიღებს. ამაზე საუბარი კანონპროექტში არ არის. აქედან გამომდინარე, საპატრიარქოს არ მოუწევს არაფრის დათმობა. კონსულტაციები საპატრიარქოში სხვადასხვა დონეზე იყო. ეს კონსულტაციები ყველა დონეზე გაგრძელდება. საპატრიარქოს წარმომადგენლებთან გამართული კონსულტაციები ყოვლის მომცველი არ იყო, საჭიროა კონსულტაციების გაგრძელება. როცა ყველა ინფორმირებული იქნება, კითხვები აღარ იარსებებს. კონსულტაციებში შესაძლოა დეფიციტი იყო და ამის შევსებაა ჩვენი ამოცანა. დისკუსია უნდა გაგრძელდეს. კონსულტაციები გაგრძელდება და პირველ რიგში, პატრიარქთან გვექნება“, – განაცხადა ირაკლი კობახიძემ.

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა