პირველი ექსპერიმენტული სკოლის დირექტორმა, ხორავას ქუჩაზე მომხდარი მკვლელობის გამო, თანამდებობა დატოვა

2018-09-04 17:09:57, 1622 ნახვა

სამართალი

პირველი ექსპერიმენტული სკოლის დირექტორმა, ხათუნა ბარაბაძე თანამდებობა დატოვა.

როგორც მან „ქრონიკასთან“ საუბარში აღნიშნა, მიზეზი ხორავას ქუჩაზე მოზარდების მკვლელობის საქმეა.

ბარაბაძის თქმით, გადადგომის შესახებ სკოლის სამეურვეო საბჭოს 3 თებერვალს მიმართა.

"თუმცა სამეურვეო საბჭომ მიიღო გადაწყვეტილება, რომ იმ ეტაპისთვის უფრო მეტი პასუხისმგებლობა ამეღო საკუთარ თავზე და სასწავლო პროცესი მიმეყვანა ბოლომდე. რა თქმა უნდა, მე კანონმდებლობა არ მავალდებულებდა თანამდებობის დატოვებას, მაგრამ მე მორალურად პასუხისმგებლობას ვგრძნობდი", - აღნიშნა ხათუნა ბარაბაძემ.

შეგახსენებთ, ხორავას ქუჩაზე მომხდარი მკვლელობის საქმეზე მსჯავრდებული ორივე მოზარდი პირველი სკოლის მოსწავლეა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები