„უზენაესი სასამართლოს თავმჯდომარის კანდიდატის დასახელებაზე, პრეზიდენტი  როგორც მოიქცა, ამას გაბუტვას დავარქმევდი და ეს სერიოზული მიდგომა არ არის“,- ასე შეაფასა იუსტიციის უმაღლესი საბჭოს არამოსამართლე წევრმა, ნაზი ჯანეზაშვილმა გიორგი მარგველაშვილის გადაწყვეტილება, რომ ის აღარ დაასახელებს უზენაესი სასამართლოს თავმჯდომარის კანდიდატს.

მისი განმარტებით, პრეზიდენტმა დაუშვა გამოუსწორებელი შეცდომა  და მოქმედი კონსტიტუციის მიხედვით, გიორგი მარგველაშვილი თავად არის ვალდებული კანდიდატი დაასახელოს.

„პრეზიდენტმა დაუსვა გამოუსწორებელი შეცდომა და ჯერ კიდევ უშვებს გამოუსწორებელ შეცომას, რადგან ის უზენაესი სასამართლოს თავმჯდომარის კანდიდატს არ ასახელებს. პირველ რიგში, ეს არის პრეზიდენტის კონსტიტუციური ვალდებულება, რომ მან წარადგინოს კანდიდატი. ჩემი აზრით, შეცდომაა ისიც, რომ არასამთავრობო ორგანიზაციებზე გადააქვს მას პასუხისმგებლობა. რადგან არასამთავრობო ორგანიზაციები ნამდვილად არ არის კონსტიტუციაში მითითებული, როგორც ნომინირების სუბიექტი.პრეზიდენტს რომ სცოდნოდა, რომ სისტემას მიხეილ ჩინჩალაძე მართავს და ისუტიციის უმაღლეს საბჭოში მისი ხალხია წარმოდგენილი, რომლებიც ნომინირებასთან დაკავშირებით მიიღებენ გადაწყვეტილებას, მაშინ პრეზიდენტი სხვა პასუხისმგებლობით მოეკიდებოდა საკითხს. როგორც ის მოიქცა, ამას გაბუტვას დავარქმევდი და ეს სერიოზული მიდგომა არ არის. ვფიქრობ, რომ სერიოზული შეცდომაა, როდესაც პრეზიდენტი კანდიდატს არ ასახელებს, თუმცა არაა გამორიცხული დამოკიდებულება შეიცვალოს“, - განაცხადა ნაზი ჯანეზაშვილმა.

ავტორი: ,

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა