საქართველოს საგარეო საქმეთა მინისტრი დავით ზალკალიანი ამერიკელი სენატორის, ჯონ მაკკეინის გარდაცვალებას ეხმაურება. 
„ღრმა მწუხარებას ვუცხადებ სენატორ მაკკეინის ოჯახს და ამერიკელ ერს. ჩვენ საქართველოს უდიდესი მეგობარი და მხარდამჭერი დავკარგეთ. ის იმ პატარა ქვეყნების მხარდამჭერი იყო, რომლებიც თავისუფლებისთვის, მშვიდობისთვის, უსაფრთხოებასა და დემოკრატიისთვის იბრძვიან. მშვიდად განისვენე, სენატორო მაკკეინო!  საქართველო ყოველთვის გცემს პატივს და არასოდეს დაგივიწყებს“, - დაწერა საქართველოს საგარეო უწყების ხელმძღვანელმა „ტვიტერის“ გვერდზე. 

81 წლის ასაკში საკუთარ სახლში არიზონას შტატში ამერიკელი სენატორი ჯონ მაკკეინი გარდაიცვალა. ინფორმაცია გავლენიანი პოლიტიკოსის გარდაცვალების შესახებ, ოჯახმა გაავრცელა.

როგორც ცნობილია მაკკეინი თავის კიბოს ებრძოდა და მძიმე ოპერაციაც გადაიტანა.

2017 წლის ივლისში ჯონ მაკკეინს თავის ტვინის სიმსივნის მძიმე ფორმა - გლიობლასტომა დაუდგინეს. მას მარცხენა საფეთქელთან მქონე არხიდან ამოუღეს შედედებული სისხლი და დაზიანებული ქსოვილი.

ორი დღის წინ მაკკეინის ოჯახმა განაცხადა რომ, ის თავის ტვინის სიმსივნის მკურნალობას აღარ გააგრძელებს. 

ავტორი: ,

სოციალური ქსელები

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე

სოციალურ ქსელში კალაძეზე დაწერილი კომენტარის გამო მოქალაქე 2 000 ლარით დააჯარიმეს