ანაკლიაში, ფესტივალ ECHOWAVES-ზე 1 პირი გარდაიცვალა, კიდევ ერთი საავადმყოფოშია გადაყვანილი

2018-08-25 10:09:44, 1608 ნახვა

სამართალი

ანაკლიაში, ელექტრონული მუსიკის ფესტივალ ECHOWAVES-ზე, 22 წლის ბიჭი გარდაიცვალა.

არსებული ინფორმაციით, იგი ფესტივალის ტერიტორიაზე შეუძლოდ გახდა, რის გამოც სასწრაფო დახმარების ეკიპაჟს ზუგდიდის რეფერალურ საავადმყოფოში გადაჰყავდა, თუმცა მამაკაცი საავადმყოფოში მიყვანამდე გარდაიცვალა.

გარდა ამისა, რეფერალურში კიდევ ერთი პირი შეიყვანეს, რომელიც ასევე ფესტივალის ტერიტორიაზე გახდა შეუძლოდ. ექიმებმა მისი გადარჩენა მოახერხეს.

როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. მათივე ცნობით, მამაკაცის გარდაცვალების მიზეზს ექსპერტიზა დაადგენს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები