გერმანიის ფედერაციულ რესპუბლიკაში საქართველოს საელჩოში გაიმართა რუსეთ-საქართველოს აგვისტოს ომის 10 წლისთავისადმი მიძღვნილი ფოტოგამოფენა.

მოწვეულ სტუმრებს მისასალმებელი სიტყვით მიმართა გერმანიის ფედერაციულ რესპუბლიკაში საქართველოს საგანგებო და სრულუფლებიანმა ელჩმა ელგუჯა ხოკრიშვილმა, რომელმაც  რუსეთის სამხედრო აგრესიასა და ოკუპირებულ ტერიტორიებზე არსებულ მდგომარეობაზე ისაუბრა.

ღონისძიების ფარგლებში, საელჩოში წარმოდგენილ იქნა ფოტოგრაფ გიორგი აბდალაძის და გორის არასამთავრობო ორგანიზაცია მეგობრობის ხიდი ქართლოსის ფოტომასალების გამოფენა. ასევე, ბერლინის თავისუფალი უნივერსიტეტის სტუდენტებმა ფლორიან ნოლტემ და რიკარდა ლანდაუმ წარადგინეს პროექტი „ 10 წელი ომის შემდეგ".

აღსანიშნავია, რომ გერმანელ სტუდენტთა ჯგუფი, პროექტის განხორციელების მიზნით აპრილის თვეში გაემგზავრნენ საქართველოში და მოინახულეს, როგორც საოკუპაციო ხაზი, ასევე არაერთი ინტერვიუ ჩაწერეს ომისგან დაზარალებულ მოსახლეობასთან.

ღონისძიების დასასრულს, საელჩოში გაიმართა თაკო რობაქიძის მოკლემეტრაჟიანი ფილმის ჩვენება „Creeping Borders".

გამოფენას ესწრებოდნენ დიპლომატიური კორპუსის წარმომადგენლები, გერმანელი ჟურნალისტები, გერმანულ-კავკასიური საზოგადოების დამფუძნებელი, ასევე  ქართველი და გერმანელი სტუდენტები.

ავტორი: ,

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო