ამ ეტაპზე ვთვლი, რომ მირზა სუბელიანთან დაკავშირებით გამოძიება დაწყებულია, ის არის დაკავებული და ეს სრულიად საკმარისია იმისთვის, რომ თუ გამოვლინდა დამატებითი ფაქტორები, ბრალის კვალიფიკაცია შეიცვალოს, - ასე უპასუხა შინაგან საქმეთა მინისტრმა გიორგი გახარიამ საგამოძიებო კომისიის სხდომაზე „ევროპული საქართველოს“ წევრის, ოთარ კახიძის კითხვას.

ოთარ კახიძე დაინტერესდა თვლიდნენ თუ არა გიროგი გახარია და ირაკლი შოთაძე, რომ დასაწყებია გამოძიება, რომელმაც უნდა შეისწავლოს მირზა სუბელიანი ხომ არ იყენებდა სამსახურეობრივ მდგომარეობას ან პირად ნაცნობობას იმისთვის, რომ ხელი შეეშალა გამოძიებისთვის.

„იმისთვის, რომ თქვენს თეორიულ შეკითხვაზე რაიმე გადაწყვეტილება მივიღოთ, პირველ რიგში უნდა დავადგინოთ მიზეზ-შედეგობრივი კავშირი საბალოო შედეგსა და მირზა სუბელიანის იმ აქტივობებს, რასაც თქვენ აფასებთ შეფასებითად იმ კითხვებზე, რომელზეც მე გიპასუხეთ. მეორე: რეალურად, მირზა სუბელიანი, რომელიც არც ვიცოდი მაშინ ვინ იყო და რას წარმოადგენდა, მაგრამ მას ამ საქმესთან ვინც აკავშირებს - შვილი და მისი ნათესავები,  არიან მცირე ერთეულები იმ მცირეოდენი ადამიანებისა, ვინც თანამშრომლობდა მაშინაც და დღესაც გამოძიებასთან. ხომ მეთანხმებით ამაში?  მესამე: რეალურად, დაველოდებით თქვენს კომისიის დასრულებას, რომლის ძირითადი მიზანიც გახლავთ, ამიტომ ვთანამშრომლობთ ჩვენ ასე ტრანსპარანტულად თქვენთან, რომ გამოვავლინოთ ის შესაძლო დარღვევები პროცედურული, ან გადამეტება და ა.შ. და ამის შემდგომ ვიმსჯელებთ თქვენთან ერთად ამ საქმეზე. ამ ეტაპზე მირზა სუბელიანთან დაკავშირებით გამოძიება არის დაწყებული და ის არის დაკავებული და ეს სრულიად საკმარისია იმისთვის, რომ თუ გამოვლინდა დამატებითი ფაქტორები, რაზეც მეც ვისაუბრე და თქვენც ისაუბრეთ, რომ კვალიფიკაცია შეეცვალოს“, - განაცხადა შინაგან საქმეთა მინისტრმა გიორგი გახარიამ.

ავტორი: ,

სოციალური ქსელები

მთავრობამ თელავის მუნიციპალიტეტს სტიქიის სალიკვიდაციოდ ნახევარი მილიონი ლარი გამოუყო

ძალადობით ჩადენილი ძარცვის ბრალდებით ორი პირია დაკავებული, მათ შორის ერთი არასრულწლოვანი

კორუფციის ბრალდებით ჩინოვნიკები დააკავეს, მათ ქრთამი აიღეს

ევროკავშირის უმაღლესმა დიპლომატმა ომის დაწყების შემდეგ რუსეთის წინააღმდეგ „ყველაზე მასშტაბური“ სანქციების პაკეტი გამოაცხადა