„ადამიანი ასეთ თანამდებობაზე შეიძლება მართლა დაავადდეს, ძალიან დიდი შემოტევებია გარედან, შიგნიდან“, - ამის შესახებ ფრაქცია „მწვანეების“ თავმჯდომარემ, გია გაჩეჩილაძემ განაცხადა.
 

მისი მოსაზრებით, ნინო გვენეტაძემ უზენაესი სასამართლოს თავმჯდომარეობას ვერ გაუძლო.

„როცა ნინო გვენეტაძეს ვირჩევდით, იურისტებთან კონსულტაცია მქონდა, მათ შორის მის მასწავლებლებთანაც კი, რომელთაც მითხრეს, რომ პატიოსანი და კვალიფიციური ადამიანია. როგორც ჩანს, განათლებისა და პატიოსნების გარდა, ასეთ თანამდებობაზე ყოფნას სხვა რამეც სჭირდება. ალბათ, პოზიციებში უფრო სიმყარე და მეტი გაძლება. ჩვენც ბევრ რამეს ვუძლებთ, რადგან თმენის ვალდებულება გვაქვს. თმენის ვალდებულება მასაც უნდა ჰქონოდა. ადამიანი ასეთ თანამდებობაზე შეიძლება მართლა დაავადდეს, თუმცა ალბათ, გადაწყვიტა, რომ აღარ შეუძლია. ალბათ, ვერ გაუძლო, რადგან ძალიან დიდი შემოტევებია გარედან, შიგნიდან. არამოსამართლე წევრები მუდმივად ოპოზიციაში უდგანან და შეურაცხყოფას აყენებენ“, – განაცხადა გაჩეჩილაძე.

შეგახსენებთ, რომ უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძე დაკავებულ თანამდებობას ტოვებს. ნინო გვენეტაძე გადადგომის მიზეზად ჯანმრთელობის მდგომარეობას და საზღვარგარეთ რამდენიმეთვიანი მკურნალობის საჭიროებას ასახელებს.

ავტორი: ,

სოციალური ქსელები

აზერბაიჯანის მოქალაქე გარდაიცვალა თბილისში, რომელიც „ღირსების მიზნით მკვლელობის“ მსხვერპლი გახდა

ტრამპმა კომუნიზმს აშშ-ის თავისუფლებისთვის „მომაკვდინებელი საფრთხე“ უწოდა

პოლონეთის პრემიერ-მინისტრი უკრაინაში ომზე: მომდევნო თვეები შესაძლოა კრიტიკული იყოს

ტრამპმა გამოაქვეყნა ასდოლარიანი კუპიურის სურათი, რომელზეც მისი ხელმოწერაა გამოსახული