„როდესაც პროკურატურას არ აქვს ცალსახა პასუხი და პირიქით ცდილობს კონკრეტული ფიგურის გამართლებას, ეს ძალიან შემაშფოთებელია“, - ამის შესახებ ხორავას ქუჩის საქმის შემსწავლელი პარლამენტის დროებითი საგამოძიებო კომისიის სხდომის შემდეგ, კომისიის მდივანმა, ოთარ კახიძემ განაცხადა.

დღევანდელ სხდომაზე კომისიამ მთავარი პროკურორის პირველი მოადგილე მამუკა ვასაძე, მთავარი პროკურორის მოადგილე გიორგი გაბიტაშვილი, თბილისის პროკურორი მალხაზ კაპანაძე და თბილისის პროკურორის მოადგილე კონსტანტინე სირაძე გამოკითხა.

კახიძის თქმით, პროკურორებმა აღნიშნეს, რომ პირი, რომელიც ჩხუბში მონაწილეობდა და დავით სარალიძეს აკავებდა, მაშინ როდესაც მას დანას ურტყამდნენ, დანაშაულის თანამონაწილედ არ ითვლება.

„როდესაც ადამიანი ხედავს, რომ მსხვერპლს აყენებენ მრავლობით დაზიანებებს და მოქმედებენ მისი მოკვლის განზრახვით და ამ დროს  მას უჭირავს მსხვერპლი, ეს ადამიანი ხდება ავტომატურად ამ მკვლელობაში თანამონაწილე. ამ მკვლელობის თანააღმსრულებელი. შესაბამისად, ეს კაზუსი იმდენად მარტივია, რომ ამაზე როდესაც პროკურატურას არ აქვს ცალსახა პასუხი და პირიქით ცდილობს ამ ფიგურის გამართლებას ეს არის ძალიან საშიში კრიმინალის ბრძოლის წინააღმდეგ კუთხით და ამ სიტუაციაში ძალიან შემაშფოთებელი“, - განაცხადა ოთარ კახიძემ.

ავტორი: ,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის