ევროპის საინვესტიციო ბანკის (EIB) ვიცე-პრეზიდენტი ვილჰელმ მოლტერერი მიიჩნევს, რომ საქართველო ევროკავშირის სტანდარტებთან დაახლოების საუკეთესო გზაზე დგას.

ამის შესახებ მოლტერერმა ავსტრიულ გაზეთთან WirtschaftsBlatt ინტერვიუში რიგის „აღმოსავლეთ პარტნიორობის“ სამიტის თემის კომენტირებისას განაცხადა.

„საქართველო ევროკავშირის სტანდარტებთან დაახლოების საუკეთესო გზაზე დგას და ზოგიერთ საკითხში წინაც უსწრებს მას. თუ გაინტერესებთ როგორ მუშაობს ერთი ფანჯრის პრინციპი, საქართველოში უნდა გაემგზავროთ. იქ ყველა შედარებით დიდ ქალაქში არსებობს იუსტიციის სახლი, რომელშიც მოკლე დროში მიიღებთ ყველა იქ არსებულ სერვისს, იქნება ეს მართვის მოწმობა, პასპორტი თუ კომპანიის დაარსების თაობაზე საბუთი“, - განაცხადა ვილჰელმ მოლტერერმა.

ევროპის საინვესტიციო ბანკის (EIB) ვიცე-პრეზიდენტის თქმით, საქართველოში დიდი წინსვლაა საინფორმაციო ტექნოლოგიების მიმართულებითაც.

„საქართველომ ევროკავშირთან ღრმა და ყოვლისმომცველი თავისუფალი ვაჭრობის სივრცის შექმნაზე ხელმოწერითაც მნიშვნელოვანი სარგებელი მიიღო. ევროკომისიის მონაცემების მიხედვით, ევროკავშირში საქართველოს ექსპორტის რაოდენობამ 18%-ით მოიმატა“, - აღნიშნა მოლტერერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ