ზაზა სარალიძემ და ზვიად კუპრავამ გამოუძიებელი საქმეების შეგროვება დაიწყეს

2018-07-23 14:34:06, 1345 ნახვა

სამართალი

ხორავას ქუჩაზე მოლკული ერთ-ერთი მოზარდის დავით სარალიძის მამამ, ზაზა სარალიძემ და „სამართალდამცავთა რეფორმირების ცენტრის“ ხელმძღვანელმა ზვიად კუპრავამ, გამოუძიებელი საქმეების შეგროვება დაიწყეს.

ცენტრში განცხადებების მიღება ერთი კვირის განმავლობაში გაგრძელდება.

ზვიად კუპრავას განცხადებით, ამ ერთი კვირის განმავლობაში იმ ადამიანების რეგისტრაცია განხორცილდება, ვინც სისტემის მსხვერპლია.

„ერთი კვირის განმავლობაში გვექნება რეგისტრაცია იმ ადამიანებისთვის, ვინც დაჩაგრა სახელმწიფომ, ვინც მსხვერპლია სისტემის. ჩვენ ამ ადამიანების მონაცემებს დეტალურად, მათ შორის, საქმის ტომებს და ა.შ. ერთი კვირის შემდეგ გადავცემთ საქართველოს ხელისუფლებას, ახალ დანიშნულ პრემიერ-მინისტრს, ახალ დანიშნულ მთავარ პროკურორს. ამ ადამიანებთან ერთად შევეცდებით, რომ შევხვდეთ მათ და ინდივიდუალურად გავაცნოთ ყველა საქმე შეძლებისდაგვარად. ამის შემდეგ ჩვენ მივცემთ მათ კონკრეტულ გონივრულ ვადას იმისთვის, რომ ამ ადამიანების მიმართ იქნეს კონკრეტული ნაბიჯები გადადგმული“, - განაცხადა კუპრავამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები