მედიის განვითარების ფონდის მიერ ჩატარებული კვლევების თანახმად, ერთი წლის განმავლობაში ქართულ მედიაში ჰომოფობიური გამოხატვის 331 ფაქტი გამოვლინდა, ხოლო გენდერული ნიშნით დისკრიმინაციისა და გენდერული სტერეოტიპების ტირაჟირების – 74. ჯამში ამ ფაქტების რაოდენობა 405-ს შეადგენს.
MDF–ის ინფორმაციით, ჰომოფობიური გამოხატვის, გენდერული ნიშნით დისკრიმინაციისა და გენდერული სტერეოტიპების ტირაჟირების მხრივ ლიდერობს გაზეთი „ასავალ–დასავალი“, დაფიქსირებულია 59 ფაქტი. მეორე ადგილზეა გაზეთი „კვირის ქრონიკა“ (25 ფაქტი), მას კი ინტერნეტ-პორტალი Geworld.ge მოსდევს. 
ფონდის კვლევებში აღნიშნულია ასევე სხვა დანარჩენი მედია საშუალებები, რომლებიც ჰომოფობ მედია საშუალებად სახელდებიან. ესენია :  საქინფორმი – 9 ფაქტი; მედია-კავშირი “ობიექტივი” – 9 ფაქტი; ალია – 5 ფაქტი; პრაიმ-ტაიმი – 4 ფაქტი; რეზონანსი – 5 ფაქტი; კვირის პალიტრა – 4 ფაქტი; პირველი – 6 ფაქტი; ტვ კავკასია – 2 ფაქტი; რუსთავი 2 – 1 ფაქტი; GDS – 1 ფაქტი.
“ჰომოფობია – სიძულვილი გეი ან ჰომოსექსუალი ადამიანების მიმართ, ან მათი ცხოვრების სტილის, ან კულტურის მიმართ, ან ზოგადად განსხვავებული სექსუალური ორიენტაციის ადამიანების მიმართ; გეი და ლესბოსელი ადამიანებისადმი ან ზოგადად ჰომოსექსუალობისადმი ნეგატიური დამოკიდებულება შეიძლება გამოიხატებოდეს მღელვარებით, ზიზღით, მტრობით, აგრესიით, დისკომფორტით ან შიშით. მათ შორის, სიძულვილის ენით და ა.შ. ყველა ამ მიმართულებას “ჰომოფობიურ გამოხატვაში” ვაერთიანებთ”, – ნათქვამია აღნიშნული ფონდის დოკუმენტში. 
ცნობისთვის, მედია მონიტორინგი ერთწლიან – 2014 წლის 17 თებერვლიდან 2015 წლის 18 თებერვლამდე პერიოდს მოიცავს და 6 გაზეთზე, 5 ტელევიზიასა და 8 ონლაინ გამოცემაზე დაკვირვების შედეგებს ასახავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში