ჩემ განათლებაზე კითხვები საიდან გაჩნდა არ მესმის, რადგან 17 წლის განმავლობაში მხოლოდ უკანასკნელი ორი დღეა, რაც უმუშევარი ვარ, არც ერთი დღე არ არსებობდა, რომ მე დასაქმებული არ ვყოფილიყავი როგორც იურისტი, - ასე უპასუხა მთავარი პროკურორობის კანდიდატმა შალვა თადუმაძემ საპარლამენტო უმრავლესობის წევრ ენძელა მაჭავარიანს, რომელიც მისი განათლებით დაინტერესდა.

„ჩვენ გვაქვს ერთადერთი პროფესია გენერალური პროკურორის, რომელიც განსაკუთრებულ განათლებას მოითხოვს. მხოლოდ ამ პროფესიის ადამიანს უწერია, რომ უნდა იყოს სისხლის სამართლის იურისტი. ნებისმიერ თანამდებობაზე, უსიტყვოდ დაგიჭერდით მხარს, თქვენ ამ ნდობას როგორც ადამიანი ნამდვილად იმსახურებთ. მაგრამ მინდა, უფრო მეტი მითხრათ თქვენი პროფესიის შესახებ. მითქმა მოთქმის საგანი რომ არ იყოს”, – მიმართა მაჭავარიანმა თადუმაძეს.

საპასუხოდ თადუმაძემ განაცხადა,  რომ ამ სფეროში მუშაობის 17 წლიანი გამოცდილება აქვს და მასზე, როგორც ადვოკატზე, ყოველთვის დიდი მოთხოვნა იყო.

„მიჭირს ახლა ამაზე საუბარი, მაგრამ შემიძლია გითხრათ, ამ ქვეყანაში ცხოვრობდა ორი მილიარდერის ოჯახი და ორივეს ამ დიპლომით ვემსახურებოდი. ასევე ამ ქვეყანაში რამდენიმე ათეულ გენერალს ვემსახურებოდი, როგორც ადვოკატი. ამ დიპლომით შევძელი, რომ ექვსი წელი მემუშავა საკანონმდებლო ინიციატივებზე მთავრობის ნაწილში და ექვსი წლის განმავლობაში ყველა პოლიტიკურ გუნდს, რომელიც პარლამენტში მოხვდა, ჰქონდა შესაძლებლობა მონაწილეობა მიეღო იმ კანონების განხილვაში, რომელსაც ან პირადად მე ვწერდი, ან პირადად ვიღებდი ამაში მონაწილეობას. ჩემ განათლებასთან დაკავშირებით კითხვები საიდან გაჩნდა არ მესმის, რადგან 17 წლის განმავლობაში მხოლოდ უკანასკნელი ორი დღეა, რაც  უმუშევარი ვარ. არც ერთი დღე არ არსებობდა, რომ დასაქმებული არ ვყოფილიყავი როგორც იურისტი”, – განაცხადა შალვა თადუმაძემ.

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება