პარლამენტის ვიცე-სპიკერის მანანა კობახიძის განცხადებით, დიპლომატიური პასპორტის მიღება  პირის სისხლის სამართლის პასუხისმგებლობისგან გათავისუფლებას არ ნიშნავს.

ამ განცხადებით კობახიძე გავრცელებულ ინფორმაციას გამოეხმაურა, რომლის თანახმადაც, შესაძლოა საქართველოს ყოფილმა პრეზიდენტმა მიხეილ სააკაშვილმა დიპლომატიური პასპორტი მიიღოს.

კობახიძის მტკიცებით, სააკაშვილის მიმართ კანონის დაცვა გარანტირებული იქნება და ყველა პროცედურა კანონმდებლობით დადგენილი წესების  შესაბამისად წარიმართება.

"მე არ მაქვს სურვილი, რომ ყოველდღე ვისაუბრო მიხეილ სააკაშვილზე.მემგონი, არ არის საინტერესო მიხეილ სააკაშვილი იქ რას მიიღებს, რას გადაწყვეტს, დავანებოთ ამას თავი და ჩვენს ქვეყანაზე ვისაუბროთ. სხვა ქვეყნის, უცხო ქვეყნის ჩინოვნიკია, არამგონია, რომ ჩვენ ყოველდღე ჩვენს მოსახლეობას უნდა ვესაუბროთ მიხეილ სააკაშვილზე, აინტერესებს ეს ჩვენს მოსახლეობას? აბა კითხეთ. მაინც გიპასუხებთ. არსებობს პროცედურები კონსტიტუცია პირველ რიგში. ყველაფერი მოხდება კანონის დაცვით და შესაბამისად, ეს იქნება მოქალექეობის შეწყვეტა, თუ  დიპლომატიური პასპორტის მქონე პირის მიმართ მოპყრობა, როგორც არის დადგენილი საერთაშორისო სტანდარტით, კანონმდებლობით ყველაფერი იქნება ისე. სააკაშვილის მიმართ კანონს არ დავარღვევთ, ეს იქნება გარანტირებული. კანონის დაცვა იქნება ყველას მიმართ გარანტირებული. კანონი ყველას მიმართ არის თანასწორი.როგორ ფიქრობთ, დიპლომატიური პასპორტი თუ აქვს ადამიანს, თუ ის დანაშაულს ჩადის, ან დანაშაული აქვს ჩადენილი ეს ნიშნავს, რომ პასუხისმგებლობისგან თავისუფლდება?მაშინ ნებისმიერი  დამნაშავე რაღაც მექანიზმებით მიიღებდა დიპლომატიურ პასპორტს და ის თავს აარიდებდა პასუხისმგებლობას,დიპლომატიური პასპორტი არ ნიშნავს იმას, რომ ადამიანი სისხლის სამართლის პასუხისმგებლობისგან თავისუფლდება, როგორც არის წესი ასეთი პასპორტის, ასეთი სტატუსის პირების მიმართ  მოპყრობის თვალსაზრისით, ყველაფერი ისე იქნება", - განაცხადა მანანა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ