Samsung Galaxy Tab S4 - სამხრეთკორეული გიგანტი კომპანიის 2018 წლის ფლაგმანი პლანშეტის ვიზუალური და ტექნიკური მხარე ამერიკელი ჟურნალისტის ევან ნელსონის (Evan Nelson Blass) წყალობით ცნობილი გახდა.

ჟურნალისტი - "ინსაიდერი", საკუთარ "ტვიტერზე" Galaxy Tab S4-ის ძალიან რეალისტურ "რენდერებს" აქვეყნებს და ამტკიცებს, რომ ეს სურათები "სამსუნგიდან", პირველწყაროსგან მოიპოვა.

აღნიშნულ სურათებზე ჩანს, რომ პლანშეტს, როგორც მის წინამორბედს მოსახსნელი კლავიატურა და სტილუსი ექნება, თუმცა უცნობია, მოწყობილობას რომელიმე მათგანი მოჰყვება, თუ ცალკე გაიყიდება.

შეგახსენებთ, რომ Tab S4-ის პროგრამული მხარე უკვე ცნობილია. ის "ბენჩმარკის" ტესტებშიც დაფიქსირდა. პლანშეტის "სუპერ ამოლედ" ეკრანის ზომა 10,5 ინჩს, ხოლო რეზოლუცია 1600 x 2560-ს შეადგენს. მას გასული წლის პროცესორი - Qualcomm Snapdragon 835,4 გეგაბაიტი ოპერატიული მეხსიერება და 7300 მილიამპერიანი ელემენტი ექნება.

"სამსუნგის" სიახლეების პრეზენტაცია ბერლინში 31 აგვისტოდან 5 სექტემბრის ჩათვლით დაანონსებულ IFA 2018- ის გამოფენაზე გაიმართება.

ერთადერთი, რაც ჯერჯერობით უცნობია - მოწყობილობის ფასია, მაგრამ ვიმედოვნებთ, რომ კომპანია გასული წლის ფლაგმანის Galaxy Tab s3-ის მაღალი ფასის გამო, დაბალ გაყიდვებს გაითვალისწინებს და სიახლეს უფრო ლიბერალურ საფასარს მიანიჭებს.

ავტორი: ,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა