მთავარ პროკურატურაში ზაზა სარალიძის, პროკურატურისა და შინაგან საქმეთა სამინისტროს წარმომადგენლების შეხვედრა დასრულდა.

შეხვედრა დაახლოებით 4 საათის განმავლობაში მიმდინარეობდა. პროკურატურის შენობა ზაზა სარალიძემ კომენტარის გარეშე დატოვა.

სარალიძის უფლებადამცველის ნესტან ლონდარიძის შეფასებით, შეხვედრა იყო ძალიან მნიშვნელოვანი.

"შეხვედრა შედგა სახალხო დამცველისა და შსს-ს ინიციატივით. მოხდა ურთიერთშეჯერება, გარკვეულ ფაქტობრივ გარემოებებთან ჩვენი პოზიციის წარმოდგენა, თუმცა რა ფაქტებთან დაკავშირებით მიმდინარეობდა განხილვა და რა კონკრეტულ ნაბიჯებზე იყო საუბარი გამოძიების ინტერესებიდან გამომდინარე ამაზე ვერ ვისაუბრებ. საუბარი შეეხო ასევე მიხეილ კალანდიასაც, თუმცა სხვა დამატებით დეტალებზე ვერ ვილაპარაკებ", - აღნიშნა ადვოკატმა.

შეხვედრას აგრეთვე სახალხო დამცველი ნინო ლომჯარიაც ესწრებოდა. ომბუდსმენის თქმით, მსგავსი ტიპის შეხვედრა შესაძლოა უახლოეს დღეებში ისევ შედგეს.

"აქ ვიყავით, რადგან ბატონ ზაზას ჰქონდა შეკითხვები. გამომდინარე იქიდან, რომ ძალიან კონკრეტულ საგამოძიებო მოქმედებებზე, გამოძიების სტრატეგიაზე და ფაქტებზე იყო საუბარი, თავს შევიკავებ დეტალური კომენტარისგან", - განაცხადა ნინო ლომჯარიამ.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო