შინაგან საქმეთა მინისტრის მოადგილის, ნათია მეზვრიშვილის განცხადებით, დეტექტივების სამმართველოს უფროსის, იოსებ სიგუა თანამდებობიდან გათავისუფლების შესახებ ინფორმაცია სიმართლეს არ შეესაბამება.

როგორც მეზვრიშვილმა ჟურნალისტებს განუცხადა, სიგუა შეუძლოდ იყო და სწორედ ამიტომ ვერ შეძლო ხორავას ქუჩის საქმის შემსწავლელი დროებითი საგამოძიებო კომისიის სხდომაზე მისვლა.

„სიგუა თანამდებობას ინარჩუნებს. ის შეუძლოდ იმყოფება, რამაც საზოგადოებაში გარკვეული კითხვები გააჩინა, თუმცა ეს ჩემთვის ცოტა გაუგებარია. პოლიციელებსაც აქვთ უფლება ავად გახდნენ. ადამიანი ცუდად დაგეგმილად არ გამხდარა და შესაბამისად, პარლამენტი საქმის კურსში ვერ ჩააყენა. როგორც კი ჩვენთვის ამის შესახებ გახდა ცნობილი, კომისიას დაუყონებლივ მივაწოდეთ ინფორმაცია. სამინისტროს არც ერთ წარმომადგენელს კომისიისთვის ინფორმაციის მიწოდებისა და გამოცხადების პრობლემა არ აქვს, საგამოძიებო კომისიის სხდომაზე ყველა გამოცხადდება”, – განაცხადა ნათია მეზვრიშვილმა.

შეგახსენებთ, გუშინ შინაგან საქმეთა სამინისტროს თბილისის პოლიციის დეპარტამენტის დეტექტივების სამმართველოს უფროსი იოსებ სიგუა ხორავას ქუჩის საქმის შემსწავლელი პარლამენტის დროებითი საგამოძიებო კომისიის სხდომაზე არ გამოცხადდა. აღნიშნულმა კომისიის თავმჯდომარის და რამდენიმე წევრი უკმაყოფილება გამოიწვია.

„მინდა მივმართო ბატონ იოსებს, რომ მასაც ველით შაბათს, 10:00 საათზე აქ, კომისიის სხდომაზე გამოუცხადებლობა არის კანონის დარღვევა, კონკრეტულად პარლამენტის რეგლამენტის 64-ე მუხლის 1-ლი პუნქტის დარღვევა. თუ ჩვენ შაბათს არ ვნახავთ აქ ბატონ იოსებს, მაშინ მოგვიწევს მიმართვა კონკრეტულ უწყებაზე, რომ ის არღვევს კანონს“, - განაცხადა კომისიის თავმჯდოამრე სერგი კაპანაძემ.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო