სასამართლომ „ქართული მარშის“ 2 წევრი გირაოს სანაცვლოდ გაათავისუფლა

2018-07-02 18:54:15, 815 ნახვა

სამართალი

"ქართული მარშის წევრები", რომლებიც ტელეკომპანია "რუსთავი 2"-თან აქციის დროს დააკავეს, სასამართლომ გაათავისუფლა.

ამის შესახებ ინფორმაციას ლადო სადღობელაშვილი ავრცელებს.

როგორც სადღობელაშვილი Facebook-ის საკუთარ გვერდზე წერს, მოსამართლე ლავრენტი მაღლაკელიძემ ლუკა ნაცვლიშვილი და გიორგი ონიანი 7000-7000 ლარიანი გირაოს სანაცვლოდ გაათავისუფლა.

ცნობისთვის, თბილისის საქალაქო სასამართლომ "ქართული მარშის" 5 წევრი, მათ შორის ტავად ლადო სადღობელაშვილი 7 ივნისს გაათავისუფლა, ხოლო პატიმრობაში ლუკა ნაცვლიშვილი და გიორგი ონიანი იყვნენ დარჩენილები.

შეგახსენებთ, "რუსთავი 2"-თან პოლიციამ "ქართული მარშის" წევრები 21 მარტს დააკავა. ისინი გიორგი გაბუნიას მიერ ეთერში გაკეთებულ რეპლიკას აპროტესტებდნენ.„ქართული მარშის“ დაკავებულ წევრებს სასამართლომ აღკვეთის ღონისძიების სახით პატიმრობა 23 მარტს შეუფარდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები