საკრებულოების შუალედური არჩევნები სენაკისა და ზუგდიდის ოლქებში დასრულდა.

ცენტრალური საარჩევნო კომისიის ინფორმაციით, საარჩევნო უბნები საღამოს 8 სთ-ზე დაიხურა და საუბნო საარჩევნო კომისიებში უკვე დაიწყო ხმების დათვლის პროცესი. მათივე ცნობით, არჩევნებმა ყველანაირი პროცედურული დარღვევების გარეშე, მშვიდ გარემოში ჩაიარა.

როგორც ცესკოს სპიკერმა ანა მიქელაძემ ცესკოში 20:30 სთ-ზე გამართულ საინფორმაციო ბრიფინგზე განაცხადა, 20:00 საათის მონაცემებით სენაკში არჩევნებში მონაწილეობა 979-მა ამომრჩეველმა მიიღო, რაც ამომრჩეველთა საერთო რაოდენობის 74,45%-ია, ხოლო ზუგდიდში აქტივობამ 63,54 % (732 ამომრჩეველი) შეადგინა. საარჩევნო ადმინისტრაციამ ასევე დაითვალა პროცენტული მაჩვენებლები ქალი და მამაკაცი ამომრჩევლების მიხედვით.

არჩევნების წინასწარ შედეგებს, საარჩევნო ადმინისტრაცია უახლოეს მომავალში წარმოადგენს.

ბრიფინგის ბოლოს ანა მიქელაძემ მადლობა გადაუხადა თითოეულ ამომრჩეველს  აქტიურობისთვის და არჩევნებში ჩართულ ყველა მხარეს საარჩევნო პროცესის გამჭვირვალე გარემოში წარმართვისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ