ხორავას ქუჩაზე მოზარდების მკვლელობის საქმის შემსწავლელი პარლამენტის დროებითი საგამოძიებო კომისიის წევრები დღეს შემთხვევის ადგილზე იმყოფებოდნენ.

მათ შეკითხვები ერთ-ერთ პირთან ჰქონდათ, რომელიც მოზარდებს შორის ჩხუბის დროს შემთხვევის ადგილზე, ავტომობილში იმყოფება.

როგორც კომისიის თავმჯდომარე სერგი კაპანაძემ აღნიშნა, მოწმე მომხდარის დეტალებზე არ საუბრობს.

 „მოწმემ, რომელიც იჯდა მანქანაში და ხედავდა ყველაფერს, რაც მისი მანქანის წინ ხდებოდა, მან ჩვენ მოგვცა ჩვენება. სავარაუდოდ, მას კიდევ მოუწევს ჩვენების მიცემა უკვე კომისიის გაფართოებული შემადგენლობის წინაშე. ჩემი შთაბეჭდილება არის ის, რომ შეუძლებელია ადამიანს, რომლის წინაც ხდება ასეთი დანაშაული, ეს არ დაენახა. თუმცა ის დეტალებზე არ საუბრობს. ცოტა არ იყოს დაუჯერებელია, რომ ის ვერაფერს ვერ იხსნებეს დავერაფერი დაინახა“, - განაცხადა სერგი კაპანაძემ.

კომისიის წევრის, მამუკა მდინარაძის თქმით, რთულია იმის დაჯერება, რომ აღნიშნულ მოწმეს არაფერი ახსოვს.

„საქმეში არსებობს არაერთი მოწმე, რომ ადამიანი, რომელიც ბოლოს გამოვკითხეთ, იყო შემთხვევის ადგილიდან რამდენიმე მეტრის დაშორებით. ამ ფონზე ძალიან სამწუხაროა, რომ ეს ადამიანი ვერაფერს იხსენებს და არ იძლევა ჩვენებას იმასთან დაკავშირებით, თუ რა მოხდა. რთულია იმის დაჯერება, რომ 5 მეტრში უყურებდე მოვლენების განვითარებას და შემდეგ არ გახსოვდეს არაფერი“, - განაცხადა მამუკა მდინარაძე.

ავტორი: ,

სოციალური ქსელები

ტრამპმა უკრაინაში ომის დასრულების მოლაპარაკებებში მნიშვნელოვანი პროგრესი გამოაცხადა და მკაცრად გააკრიტიკა ზელენსკი

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც