სახელმწიფო აუდიტის სამსახური პრემიერ-მინისტრის, მამუკა ბახტაძის ანგარიშიდან 2012 წელს „ნაციონალური მოძრაობისთვის“ შემოწირულობის სახით 20 000 ლარის გადარიცხვის საკითხს შეისწავლის.

ამის შესახებ გენერალურმა აუდიტორმა ირაკლი მექვაბიშვილმა განაცხადა.

როგორც მან აღნიშნა, საკითხის შესწავლის მოთხოვნით აუდიტს არასამთავრობო სექტორმა მიმართა.

„არსებობს კითხვები, არის მაღალი საზოგადოებრივი ინტერესი, რაზეც არასამთავრობო სექტორმა ოფიციალურად მოგვმართა. მოვახდენთ საკითხის შესწავლას, ექსპერტიზას და ჩვენი კომპეტენციის ფარგლებში, არგუმენტირებულ პასუხს გავცემთ“, – აღნიშნა მექვაბიშვილმა.

შეგახსენებთ, რამდენიმე დღის წინ პარლამენტში პრემიერ-მინისტრ მამუკა ბახტაძეს ჰკითხეს, გადარიცხა თუ არა მან 2012 წელს ენმ-ის ანგარიშზე თანხა. საპასუხოდ ბახტაძემ განაცხადა, რომ თანხა არ გადაურიცხავს და მისი ანგარიში ტექნიკურად იყო გამოყენებული.

„თქვენ თუ გაინტერესებთ ის, რომ რამდენად მე გადავრიცხე ჩემი თანხა „ნაციონალური მოძრაობის“ მხარდასაჭერად, ამაზე მაქვს მარტივი და პირდაპირი პასუხი - არა მე ჩემი თანხა არასდროს არ გადამირიცხავს „ნაციონალური მოძრაობისთვის“. თქვენ 2012 წელს, იმიტომ რომ არ ჰქონოდა საშუალება „ქართულ ოცნებას“ დაეფინანსებინა პარტია ადეკვატუად, შეცვალეთ კანონი და იურიდიულ პირებს აუკრძალეთ პარტიების დაფინანსება. ამას მოყვა შემდეგ უკვე ცვლილება კანონში საბანკო საქმიანობის შესახებ, ესეც ყველას გვახსოვს. აქედან გამომდინარე, ჩემი პირადი ფიზიკური ანგარიში იქნა გამოყენებული მხოლოდ ტექნიკურად“, - განაცხადა ბახტაძემ.

ავტორი: ,

სოციალური ქსელები

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა

„No Kings“ შეერთებულ შტატებში ტრამპის წინააღმდეგ მასობრივი საპროტესტო აქციები გაიმართა.

რუსეთმა კიევის მეტროსადგურზე თავდასხმა განახორციელა, რის შედეგადაც ერთი ადამიანი დაიღუპა 8 დაიჭრა

ტრამპმა უკრაინაში ომის დასრულების მოლაპარაკებებში მნიშვნელოვანი პროგრესი გამოაცხადა და მკაცრად გააკრიტიკა ზელენსკი