„დაახლოებით სამ კვირაში, წარმოადგენს  მამუკა ბახტაძე მთავრობის განახლებულ შემადგენლობას, მას შემდეგ, რაც შევა ცვლილებები მთავრობის შესახებ კანონში, შესაბამისად, ის თავად მიიღებს გადაწყვეტილებას იმის თაობაზე, თუ რა შემადგენლობით წარსდგება მთავრობა საქართველოს პარლამენტში", - ამის შესახებ საქართველოს პარლამენტის თავმჯდომარემ ჟურნალისტებს განუცხადა.

ირაკლი კობახიძის თქმით, მანამდე, გაიმართება ინტენსიური კონსულტაციები და გადაწყვეტილება ამ კონსულტაციების საფუძველზე იქნება მიღებული.

„სამართლებრივი მიზეზების გამო  ჩვენ გვიწევს პროცედურის ორ საფეხურად გავლა, როგორც მოგეხსენებათ, დაახლოებით სამ კვირაში, წარმოადგენს ბატონი მამუკა ბახტაძე მთავრობის განახლებულ შემადგენლობას, მას შემდეგ, რაც შევა ცვლილებები მთავრობის შესახებ კანონში. შესაბამისად, ის თავად მიიღებს გადაწყვეტილებას იმის თაობაზე, თუ რა შემადგენლობით წარსდგება მთავრობა საქართველოს პარლამენტში. მანამდე, ბუნებრივია, გვექნება ინტენსიური კონსულტაციები, ერთის მხრივ, პარლამენტსა და მთავრობას შორის, ასევე, პოლიტსაბჭოს ფორმატში და ბუნებრივია, ამ კონსულტაციების საფუძველზე მიიღება გადაწყვეტილება",- აღნიშნა პარლამენტის თავმჯდომარემ.

რაც შეეხება მთავრობის განახლებულ შემადგენლობას, ირაკლი კობახიძის თქმით, ეს პრემიერმინისტის პრეროგატივაა.

„ ჩემი მხრიდან არ იქნება სწორი ამაზე კომენტარის გაკეთება. ეს არის პრემიერმინისტრის პრეროგატივა. პრემიერმინისტრი მამუკა ბახტაძე წარმოადგენს მთავრობის განახლებულ შემადგენლობას, შესაბამისად, მას უნდა დაუსვათ კითხვები მთავრობის შემადგენლობასთან დაკავშირებით",- განაცხადა საქართველოს პარლამენტის თავმჯდომარემ. 

ავტორი: ,

სოციალური ქსელები

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს