ბოლო თვეების მოვლენებმა ძალიან მკაფიოდ გამოაჩინა, რომ „ქართული ოცნების“ გუნდს აღარ დარჩა რესურსი ქვეყანა მართოს ნორმალურად - ამის შესახებ  „ევროპული საქართველოს“ ერთ-ერთმა ლიდერმა,  დავით ბაქრაძემ  ჟურნალისტებთან საუბრისას განაცხადა.

მისი თქმით,  შექმნილი ვითარებიდან   გამოსავლის ერთადერთი გზა  არჩევნების გზით მშვიდობიანად, მართველი გუნდის პენსიაზე გაშვებაა.

„ცალკეული სახელების ცვლილებას აზრი არ აქვს და ბოლო თვეების მოვლენებმა ძალიან მკაფიოდ გამოაჩინა, რომ ქართული ოცნების გუნდს აღარ დარჩა რესურსი ქვეყანა მართოს ნორმალურად, უზრუნველყოს ქვეყანაში განვითარება, სიმშვიდე  და შემდეგ შეასრულოს ის მოლოდინები რომელიც დღეს   აქვს ჩვენს საზოგადოებას. გამოსავალი  არ არის ცალკეული მინისტრების შეცვლა და მათ მაგივრად  მართველი გუნდიდან  ისეთივე ადამიანების მოყვანა არამედ გამოსავალი არის საბოლოო ჯამში ქართველ ხალხთან ერთად არჩევნების გზით მშვიდობიანად მთელი გუნდის გაშვება პოლიტიკურ პენსიაზე“,-განაცხადა დავით  ბაქრაძემ. 

შეგახსენებთ, საქართველოს პრემიერ-მინისტრმა გიორგი კვირიკაშვილმა თანამდებობა დატოვა, რის შედეგადაც, უფლებამოსილება მინისტრთა კაბინეტის ყველა წევრს შეუწყდა. პრეზიდენტმა მთავრობისათვის მოვალეობის დაკისრების შესახებ განკარგულება გუშინვე გამოსცა. პრემიერ-მინისტრობის ახალი კანდიდატი მმართველმა გუნდმა პრეზიდენტს 7 დღის ვადაში უნდა წარუდგინოს.

ავტორი: ,

სოციალური ქსელები

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს

პატრიარქობის კანდიდატის, მროველ-ურბნელი მიტროპოლიტი იობის ხედვები