დღეიდან 14 ივნისის ჩათვლით, საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ ორგანიზებით და ინოვაციებისა და ტექნოლოგიების სააგენტოს მხარდაჭერით, 8 ქართულ ტექნოლოგიების სფეროში (IT) მოღვაწე კომპანია გლობალურ კონფერენციას Startup Grind London დაესწრება.

საერთაშორისო ღონისძიება ერთ-ერთი ყველაზე უმსხვიელსია ამ სფეროში და  მსოფლიოს მასშტაბით 100-ზე მეტი ტექნოლოგიების სფეროში მოღვაწე სტარტაპერი კომპანია, 75-ზე მეტი ცნობილი სპიკერი, 2 500-ზე მეტი ინვესტორი და ინოვატორი დაესწრება.

აღნიშნული ვიზიტის მიზანია ქართული სტარტაპერი კომპანიების ინტერნაციონალიზაცია და პოპულარიზაცია საერთაშორისო ბაზარზე. შესაბამისად, სამომავლო თანამშრომლობის მიზნით, ვიზიტის ფარგლებში მნიშვნელოვან ბიზნეს კავშირებს დაამყარებს 3 ქართული კომპანია, რომლებიც ეგზიბიტორის სახით იქნებიან წარდგენილნი და 5 ქართული კომპანია, რომლებიც ვიზიტორის სახით დაესწრებიან კონფერენციას.

აღსანიშნავია, რომ კონფერენციის ფარგლებში, ქვეყნების ფორუმის ღონისძიებაზე,  სააგენტოს „აწარმოე საქართველოში“ და ინოვაციებისა და ტექნოლოგიების სააგენტოს საშუალება ექნებათ საკუთარი საქმიანობა პრეზენტაციის სახით გააცნონ დამსწრე საზოგადოებას, რომელიც საუკეთესო შესაძლებლობაა ქვეყნისთვის, რათა წარმოაჩინოს თავი გლობალური სტარტაპ ეკოსისტემის მნიშვნელოვან წევრად.

შეგახსენებთ, რომ ზემოთხსენებული მისია სააგენტოს „აწარმოე საქართველოში“ ექსპორტის მიმართულების ფარგლებში ხორციელდება, რომელიც მიზნად ისახავს საქართველოს საექსპორტო პოტენციალის პოპულარიზაციას, ქართული პროდუქტების კონკურენტუნარიანობის გაზრდას საერთაშორისო ბაზრებზე, ქართული პროდუქტების ექსპორტის მოცულობის ზრდას და საქართველოს საექსპორტო ბაზრების დივერსიფიცირებას.

(NS)

ავტორი: ,

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება