თბილისის საქალაქო სასამართლოში, სადაც ზვიად კუპრავასა და მასთან ერთად დაკავებული აქციის სამი მონაწილის სასამართლო პროცესი მიმდინარეობს, ხმაური იყო.

მას შემდეგ, რაც სხდომაზე შესვენება გამოცხადდა, კუპრავა, ზაზა სარალიძე და მათი მხარდამჭერები სასამართლოს სასადილოში ჩავიდნენ.

ცოტა ხნის შემდეგ, მათთან საპატრულო პოლიციის თანამშრომლები მივიდნენ და კუპრავას დარბაზში ასვლა სთხოვეს. საპასუხოდ, კუპრავამ მათ უთხრა, რომ დარბაზში სადილის დასრულების შემდეგ ავიდოდა, თუმცა სამართალდამცველებმა ამის საშუალება არ მისცეს და ის დარბაზში იძულებით აიყვანეს.

აღნიშნულს მცირე შეხლა-შემოხლა მოჰყვა, რის შედეგადაც სასადილოს ინვენტარი დაიმტვრა.

მომხდარი ზაზა სარალიძემ გააპროტესტა:

„3 საათამდე  მისცა მოსამართლემ დრო, გამოუშვეს, დართეს ნება საჭმელი რომ გვეჭამა. ვჭამდით და დაგვამხეს პოლიციელებმა ყველაფერი.  მოსამართლემ გამოგიძახაო სასწრაფოდო, კუპრავას მოთხოვეს. რაღაცა „მოეპრიანათ“, არ აცადეს. აი გახარიას უწყება, შენი დედაც.  ხალხო, ტვინი არ გაქვთ არცერთს თავში. ელემენტარული საჭმლის ჭამა არ გვაცადეს ამ ნაძირლებმა. მკვლელები ხართ სულ ყველა“,- განაცხადა სარალიძემ ინციდენტის შემდეგ.

ავტორი: ,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს