მე და ზაზამ სიმწარე ვიგემეთ და ჩვენ გვსურს, რომ როგორც ჩვენ გავმწარდით, თქვენც რომ იგივე არ განიცადოთ, დამნაშავეები დაისაჯონ- ამის შესახებ მალხაზ მაჩალიკაშვილმა პარლამენთან მიმდინარე აქციაზე, სიტყვით გამოსვლისას განაცხადა.

მაჩალიკაშვილის განცხადებით, ქისტები საქართველოს შვილები არიან და არა ტერორისტები.

მისი თმით, ის ზაზა სარალიძესთან ერთად სიმართლის დასადგენად ბოლომდე იბრძოლებს.

„პანკისის ხეობაში რაც მოხდა, საზარელი, ასეთ სასტიკი მკვლელობა, მოხდა იმისთვის, რომ ქართველი და ქისტი ხალხი ერთმანეთისგან დავეშორებინეთ. ეს არ გამოუვათ, რადგან ჩვენ ამ სამშობლოს შვილები ვართ. მე და ზაზა ყველაფერს გავაკეთებთ თქვენი თანადგომით, რომ ეს დანაშაულებრივი ჯგუფები დაისაჯოს, ყველამ ამოყოს ციხეში თავი. მე აღარაფერი გამაჩერებს, შუბლში ტყვია თუ გამაჩერებს და ჩემ გვერდით მთელი საქართველო იქნება.

მე ის მიხარია ყველაზე მეტად, რომ მთელი საქართველო დაგვიდგა გვერდით. მადლობა ყველას. ყველა რესურსებს იყენებენ, რომ ჩვენში განხეთქილება ჩააგდონ, მაგრამ ყველამ ვიცით, ვისაც ძმობა გვაკავშირებს ერთმანეთს. საქართველოს უსაფრთხოების სამსახურმა მარგუნა სისხლის ზღვა, ტყვიაგაჭედილი შუბლში. რადგან ჩვენნაირებს უკან დასახევი გზა არ გაქვს, ვიდგებით, ვიდრე არ დაისჯება ყველა დამნაშავე და არ იქნებიან ციხეში“,- განაცხადა მალხაზ მაჩალიკაშვილმა.

შეგახსენებთ, რომ პარლამენტთან, ოპოზიციური პარტიების ორგანიზებით ზაზა სარალიძისა და მალხაზ მაჩალიკაშვილის მხარდამჭერი აქცია „ნუ მომკლავ!“ მიმდინარეობს.

ავტორი: ,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე