51-ე საჯარო სკოლის დირექტორი და მანდატურები შინაგან საქმეთა სამინისტროს ძველი თბილისის მე-3 განყოფილებაში გამოკითხვაზე იმყოფებიან.

ამის შესახებ ინფორმაცია „ექსპრესნიუსს“ შინაგა საქმეთა სამინისტროში დაუდასტურეს.

უწყების ინფორმაციით, საქმე ეხება რამდენიმე დღის წინ 51-ე სკოლაში არასრულწლოვნებს შორის მომხდარ ინციდენტს, სადაც 8 ივნისს მოსწავლეებს შორის, გურგულიას ქუჩაზე მოხდა ფიზიკური და სიტყვიერი დაპირისპირება 51-ე საჯარო სკოლასთან.

აღნიშნულის შესახებ პოლიციის მე-3 განყოფილებაში შევიდა შეტყობინება, რომ 51-ე საჯარო სკოლის მე-10 და მე-11 კლასელებს შორის სიტყვიერ შელაპარაკებას ჰქონდა ადგილი.

სამართალდამცავებმა გამოძიების ფარგლებში უკვე  გამოკითხეს ათეულობით ადამიანი.

შინაგან საქმეთა სამინისტროს ინფორმაციით, აღნიშნულ ფაქტზე სამართალდამცველებმა გამოძიება სისხლის სამართლის კოდექსის 126-ე მუხლით დაიწყეს, რაც ძალადობას გულისხმობს. გამოძიების ამ ეტაპზე დადგინდა, რომ თბილისის N 51-ე საჯარო სკოლის 10-ე კლასის მოსწავლემ, ამავე სკოლის მე-12 კლასის მოსწავლეს, სოციალური ქსელის „ფეისბუქის“ საშუალებით, უცენზურო სიტყვები მისწერა, რაც მათი კამათის მიზეზი გახდა.

აღნიშნული პირები, სიტუაციის გარკვევის მიზნით, ერთმანეთს მეგობრებთან ერთად გურგულიას ქუჩაზე შეხვდნენ. მათ შორის მხოლოდ სიტყვიერი შელაპარაკება მოხდა, რის შემდგომაც ისინი შერიგდნენ. მოზარდებს შორის ფიზიკურ დაპირისპირებას ადგილი არ ჰქონია.

გამოძიების ფარგლებში უკვე გამოკითხეს ინციდენტში მონაწილე არასრულწლოვნები და მანდატურები. დღის განმავლობაში, ასევე, გამოიკითხებიან 51-ე საჯარო სკოლის მასწავლებლები და ინციდენტის შემსწრე არასრულწლოვნები.

ავტორი: ,

სოციალური ქსელები

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ

საქართველოდან უცხო ქვეყნის 74 მოქალაქე გააძევეს