„გარემოზე ზემოქმედების ნებართვის შესახებ“ საქართველოს კანონში ცვლილება  განხორციელდა, რომელიც უნებართვო საქმიანობების განმახორციელებლებს მიმდინარე საქმიანობის გაგრძელების უფლებას ანიჭებს.

ამის შესახებ „ექსპრესნიუსს“ გარემოსა და ბუნებრივი რესურსების დაცვის სამინისტროდან აცნობეს.

უწყების ინფორამციით, საქმიანობის განმახორციელებლებს დღეს, გარემოსა და ბუნებრივი რესურსების დაცვის მინისტრის მოადგილე მაია ბითაძე შეხვდა და კანონით განთვალისწინებული ახალი რეგულაცია გააცნო.

კანონის მიხედვით მიმდინარე საქმიანობის გაგრძელების უფლების მინიჭებისათვის, საქმიანობის განმახორციელებელი სამინისტროში წარადგენს, როგორც ეკოლოგიური აუდიტის ანგარიშს, ისე მიმდინარე საქმიანობით გამოწვეულ გარემოზე ზემოქმედების შემცირების ღონისძიებათა გეგმა-გრაფიკს. აღნიშნული გეგმა-გრაფიკით განსაზღვრულ ვადებში შესრულების შემდეგ, საქმიანობის განამხორციელებელი უფლებამოსილი იქნება სამინისტროს ნებართვის მისაღებად მიმართოს.

შეხვედრაზე, მხარეებმა კანონში განხორციელებული ცვლილებებისა და აღნიშნული ცვლილებებიდან გამომდინარე სამომავლო თანამშრომლობის გაღრმავების შესახებ ისაუბრეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინმა მოსკოვის გარშემო კიდევ ერთი საჰაერო თავდაცვის რგოლის აშენება გადაწყვიტა

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო