პარლამენტთან, სადაც ზაზა სარალიძის მხარდამჭერი აქცია მიმდინარეობს, ჭყონდიდელი მიტროპოლიტის, მეუფე პეტრე ცაავას წერილი წაიკითხეს. 

მეუფემ ზაზა სარალიძეს და ყველა შვილმკვდარ მშობელს თანადგომა გამოუცხადა. მიტროპოლიტის შეფასებით, სახელმწიფომ ბოლომდე ვერ დააღწია თავი საბჭოთა კავშირს. მან მადლობა გადაუხადა სარალიძეს, „რადგან მას შერჩა ძალა უსამართლობის წინააღმდეგ საბრძოლველად“. 

"ქრისტეს მიერ საყვარელო მამანო და ძმანო, დედანო და დანო, გილოცავთ წმინდა ნინოს საქართველოში შემობრძანების დღეს. წმინდა ნინომ მე-4 საუკუნეში იქადაგა ჭეშმარიტი სარწმუნოება. მისი ლოცვით დაიმსხვრა საქართველოში არსებული კერპები და ქართველი ერი განთავისუფლდა კერპთაყვანისმცემლობის ტყვეობიდან. მაგრამ სამწუხაროდ დღეს, საუკუნეების შემდეგ ბოლომდე ვერ განთავისუფლდა საბჭოთა მემკვიდრეობიდან. სახელმწიფომ თავი ვერ დააღწია უსამართლობას, მიკერძოებულ სამართალსა და ფარისევლობას. ცხადია განსვენებულტა მშობლებს მძიმე ხვედრი ერგოთ, მაგრამ მადლობა ღმერთს ბატონ ზაზა სარალიძეს ამ უდიდესი ტკივილის ფონზე აღმოაჩნდა სულიერი ძალა უსამართლობის წინააღმდეგ ხმის ამაღლებისა, მასშტაბური პროტესტისა. მან ყველას სათქმელი მიიტანა სამართლიან ტრიბუნამდე, ქვეყნის მაჯისცემამდე. ბატონ ზაზასთან ერთად მტელი გულით განნვიცდით უსამართლოდ გამოტანილ მსჯავრს. თანადგომას ვუცხადებ მას და ვადასტურებ ქვეყანაში არსებულ სისტემურ პრობლემებს, რომელიც დაუყოვნებლივ შესაცვლელელია“, - ნათქვამია მიტროპოლიტ პეტრეს წერილში. 

ავტორი: ,

სოციალური ქსელები

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?