მოზარდების მკვლელობის საქმეზე განაჩენის გამოცხადების შემდეგ, სასამართლოსთან 3 პირი დააკავეს

2018-05-31 12:57:56, 1165 ნახვა

სამართალი

ხორავას ქუჩაზე მოზარდების მკვლელობის საქმეზე განაჩენი გამოცხადების შემდეგ, თბილისის საქალაქო სასამართლოსთან 3 პირი დააკავეს.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, ისინი ადმინისტრაციული წესით არიან დაკავებული.

შეგახსენებთ, სასამართლოს დღევანდელ გადაწყვეტილებას ხმაური მოჰყვა.

მკვლელობაში ბრალდებული ერთ-ერთი არასრულწლოვანი გ.ბ ლევან დადუნაშვილთან მიმართებაში სასამართლომ დამნაშავედ ცნო, მაგრამ გაამართლა დავით სარალიძის საქმის ნაწილში. მეორე ბრალდებული გ.ჯ სასამართლომ დავით სარალიძის საქმესთან დაკავშირებით დამნაშავედ ცნო, თუმცა არა მკვლელობის, არამედ განზრახ მკვლელობის მცდელობაში. რაც შეეხება სასჯელის ოდენობას აღნიშნულთან დაკავშირებით მოსამართლე ცალკე სხდომას ჩანიშნავს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები