შინაგან საქმეთა სამინისტრომ თბილისში ძაღლის მოკვლის ფაქტზე გამოძიება დაიწყო.

უწყების ინფორმაციით, გამოძიება სისხლის სამართლის კოდექსის 259-ე მუხლით არის დაწყებული, რაც ცხოველისადმი სასტიკ მოპყრობას გულისხმობს.

„ამ დროისთვის ფაქტთან დაკავშირებით აქტიური საგამოძიებო მოქმედებები მიმდინარეობს“, - აცხადებენ შსს-ში.

შეგახსენებთ, სოციალურ ქსელში გავრცელდა ვიდეო, სადაც ჩანს, რომ თბილისში, ლაგოდეხის ქუჩაზე, პირმა ავტომობილით ძაღლს გადაუარა. შედეგად ძაღლმა მძიმე დაზიანებები მიიღო და მისი გადარჩენა ვეღარ მოხერხდა.

სსკ-ის 259-ე მუხლის თანახმად, ცხოველისადმი სასტიკი მოპყრობა, რამაც მისი დაღუპვა ან დასახიჩრება გამოიწვია, აგრეთვე ცხოველის წვალება, ისჯება ჯარიმით ან გამასწორებელი სამუშაოთი ვადით ერთ წლამდე.

ავტორი: ,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს