საქართველოს პრეზიდენტის, გიორგი მარგველაშვილის შეფასებით, ყოფილი პრემიერის ვანო მერაბიშვილის მიმართ პატიმრობის დროს უფლებების შელახვა მოხდა, თუმცა მისი თქმით, ეს არ ნიშნავს, რომ იგი პოლიტპატიმარია.

„მე ვთვლი, რომ მერაბიშვილის მიმართ, პატიმრობის დროს მისი უფლებების შელახვა მოხდა, მაგრამ ეს არ ნიშნავს, რომ ის პოლიტპატიმარია. არც სტრასბურგი არ ამბობს ამას და ამ ტყუილების კორიანტელში ცხოვრებას უნდა დავანებოთ თავი. სტრასბურგს არასდროს უთქვამს, რომ მერაბიშვილი არასწორად არის გასამართლებული“, - განაცხადა მარგველაშვილი.

მან სხვა ყოფილ მაღალჩინოსნებთან, მათ შორის ექსპრეზიდენტ მიხეილ სააკაშვილთან  დაკავშირებითაც ისაუბრა და განაცხადა, რომ მათთან მიმართებაში ხელისუფლებამ მცდარი გადაწყვეტილებები მიიღო და ამაზე პასუხისმგებლობა არავის აუღია.

„ის, რომ სააკაშვილი გაასამართლეს არასწორი მუხლით, ამათ იტკიონ თავი სტრასბურგში, ყველა თემაზე მე უნდა ვიყო ამათი და იმათი შეცდომების გამსწორებელი? რატომ? აიღონ პოლიტიკური პასუხისმგებლობები, როგორც აიღეს მერაბიშვილზე. არ დაგვიბრუნდა ის, რასაც ვამბობდი? რომ რა სისულელეს ვაკეთებთ, გამოვიძიოთ ეს საკნიდან გაყვანა. არა, როგორ შეიძლებაო და არ დაგვიბრუნდა უკან შეურაცხყოფად? რომ ვამბობდი ამ გრიფს ნუ მოვხსნით ამ დაწყევლილ, უაზრო საბუთებს, რომელიც იურისპრუდენციას საერთოდ არ სჭირდებოდა და პიარის თემა იყო, სააკაშვილს გადაეფარაო ამბობდნენ. როგორც კი ეს მოხდა, ყველა იმ ადამიანს, ვისაც წითელი ცირკულარით ეძებდნენ, მოუხსნეს ძებნა. ახლა ვინ გაუკეთა იმ ადამიანებს ალიბი, ვინც წითელი ცირკულარით ძებნილები არიან, მე, რომელმაც ვთქვი, რომ ამ გრიფის მოხსნით იმ ხალხს ვეღარ დავიჭერთ, თუ იმ ადამიანებმა ვინც მოაწყო პოლიტიკური პიარი, მოვხსენით გრიფი და შედეგად აღარცერთი აღარ გვყავს წითელ ცირკულარზე, თავისუფლები არიან. მე იმათ ადგილას დიდ მადლობას ვეტყოდი ამათ,  რომ ესეთი კარგი ფორმით მოაშორეს პასუხისმგებლობა. ამაზე ვინმემ აიღო პასუხისმგებლობა და თქვა, რომ ეს რა სისულელე დაგვემართა? ვიღაცამ თქვა, რომ მერაბიშვილის საქმე სტრასბურგში არის წაგებული და წამდაუწუმ მეუბნებიან, თურმე მერაბიშვილი პოლიტპატიმარია, ვინმე გამოვიდა და თქვა, რომ მე ვარ დამნაშავე, რომ ეს საქმე მივიდა სტრასბურგამდეო?“, - აღნიშნა გიორგი მარგველაშვილმა.

ავტორი: ,

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%