შრომის, ჯანმრთელობის და სოციალური დაცვის მინისტრის დავით სერგეენკოს განცხადებით, მთავრობის დღევანდელი გადაწყვეტილებით, შეიქმნა აიპ - პარტნიორობა ხელმისაწვდომი ჯანდაცვისთვის, რომელიც სოციალურად მოწყვლადი ნაწილისათვის მედიკამენტებზე ხელმისაწვდომობას გაზრდის.

როგორც მინისტრმა განმარტა, ამ ორგანიზაციის მონაწილეები კერძო სექტორიდან იქნებიან ქართული მწარმოებელი "ჯი ემ პი" და ასევე საერთაშორისო მწარმოებელთა გაერთიანება.

"მიმდინარე პროექტი, რომელიც შარშან მაისში დაიწყო, ემსახურება 100 ათას ქულაზე ნაკლების მქონე სოციალურად დაუცველებს და მათ უზრუნველყოფს 23 მედიკამენტით, არაუმეტეს 1 ლარის ღირებულებით. პროგრამის გაფართოება იქნება, რომ მოსარგებლეებს დაემატებიან პენსიონერები და შშმ პირები, თუმცა ამ ეტაპზე წამლის გაცემა სამწუხაროდ 1 ლარად არ მოხდება, მაგრამ ამოცანაა, რომ მაქსიმუმ ნახევარი დახარჯონ, რაც ახლა ეხარჯებათ მედიკამენტებზე. იმედი მაქვს მაისის ბოლოსკენ ან ივნისის დასაწყისში, პენსიონერებზე და შშმ პირებზე დაემატება მეორე ტიპის მართვის დიაბეტი, გულის უკმარისობა, ფარისებრი ჯირკვლის დაავადებები. ვვარაუდობთ შემოდგომისთვის არსებული სოციალურად დაუცველების და ახალი მოსარგებლეების ეს 23 კომპონენტი ერთმანეთს გაუტოლდება, ხოლო მომავალი წლის დასაწყისიდან 23 კომპონენტი ორივე ჯგუფისთვის უნდა გახდეს 50-მდე", - აღნიშნა დავით სერგეენკომ.

ავტორი: ,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება